കൊ​ല്ലം: കാ​റി​ൽ പോ​വു​ക​യാ​യി​രു​ന്ന യു​വ​തി​യെ​യും യു​വാ​വി​നെ​യും പെ​ട്രോ​ൾ ഒ​ഴി​ച്ച് തീ​കൊ​ളു​ത്തി. ചൊ​വ്വാ​ഴ്ച രാ​ത്രി ഒ​ന്പ​തി​നു​ണ്ടാ​യ സം​ഭ​വ​ത്തി​ൽ കൊ​ട്ടി​യം ത​ഴു​ത്ത​ല സ്വ​ദേ​ശി അ​നി​ല മ​രി​ച്ചു.

സം​ഭ​വ​ത്തി​ൽ അ​നി​ല​യു​ടെ ഭ​ർ​ത്താ​വ് പ​ത്മ​രാ​ജ​നെ ഈ​സ്റ്റ് പോ​ലീ​സ് ക​സ്റ്റ​ഡി​യി​ൽ എ​ടു​ത്തു. പൊ​ള്ള​ലേ​റ്റ സോ​ണി എ​ന്ന യു​വാ​വി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. പ്ര​തി​യെ പോ​ലീ​സ് ചോ​ദ്യം ചെ​യ്ത് വ​രി​ക​യാ​ണ്.

ഒ​മ്നി വാ​നി​ലെ​ത്തി​യ പ​ത്മ​രാ​ജ​ൻ അ​നി​ല​യും സോ​ണി​യും സ​ഞ്ച​രി​ച്ച കാ​റി​നെ വ​ഴി​യി​ൽ ത​ട​ഞ്ഞ് വാ​ഹ​ന​ത്തി​ലേ​ക്ക് പെ​ട്രോ​ളൊ​ഴി​ച്ച് തീ​കൊ​ളു​ത്തു​ക​യാ​യി​രു​ന്നു. കൊ​ല്ലം ന​ഗ​ര​ത്തി​ലെ ബേ​ക്ക​റി​യു​ടെ ഉ​ട​മ​യാ​ണ് അ​നി​ല.

ഇ​വ​രെ​യും സ്ഥാ​പ​ന​ത്തി​ലെ പ​ങ്കാ​ളി​യാ​യ യു​വാ​വി​നെ​യും ല​ക്ഷ്യ​മി​ട്ടാ​യി​രു​ന്നു ആ​ക്ര​മ​ണം എ​ന്നാ​ണ് പോ​ലീ​സി​ന് ല​ഭി​ച്ചി​രി​ക്കു​ന്ന വി​വ​രം. എ​ന്നാ​ൽ പ​ത്മ​രാ​ജ​ൻ ല​ക്ഷ്യ​മി​ട്ട​യാ​ള​ല്ല കാ​റി​ൽ ഉ​ണ്ടാ​യി​രു​ന്ന​തെ​ന്ന് പോ​ലീ​സ് പ​റ​ഞ്ഞു.

ര​ണ്ട് വാ​ഹ​ന​ങ്ങ​ളും പൂ​ർ​ണ​മാ​യും ക​ത്തി​ന​ശി​ച്ചു. പോ​ലീ​സും ഫ​യ​ർ ഫോ​ഴ്സും എ​ത്തി തീ​യ​ണ​ച്ച ശേ​ഷ​മാ​ണ് അ​നി​ല​യെ ആ​ശു​പ​ത്രി​യി​ലേ​ക്ക് കൊ​ണ്ടു​പോ​യ​ത്.