കോ​ഴി​ക്കോ​ട്: എ​ര​ഞ്ഞി​പ്പാ​ല​ത്ത് സ്വ​കാ​ര്യ ലോ​ഡ്ജി​ൽ മ​രി​ച്ച നി​ല​യി​ൽ യു​വ​തി​യെ ക​ണ്ടെ​ത്തി​യ സം​ഭ​വ​ത്തി​ൽ വ​ഴി​ത്തി​രി​വ്. സം​ഭ​വം കൊ​ല​പാ​ത​ക​മാ​ണെ​ന്ന് പോ​സ്റ്റ്മോ​ർ​ട്ടം റി​പ്പോ​ർ​ട്ടി​ലെ പ്രാ​ഥ​മി​ക സൂ​ച​ന​ക​ളി​ൽ വ്യ​ക്ത​മാ​യി. ഇ​തോ​ടെ യു​വ​തി​ക്കൊ​പ്പ​മു​ണ്ടാ​യി​രു​ന്ന യു​വാ​വി​നാ​യി പോ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി.

മ​ല​പ്പു​റം വെ​ട്ട​ത്തൂ​ർ സ്വ​ദേ​ശി ഫ​സീ​ല​യെ​യാ​ണ് ചൊ​വ്വാ​ഴ്ച ഉ​ച്ച​യോ​ടെ സ്വ​കാ​ര്യ ലോ​ഡ്ജി​ലെ ക​ട്ടി​ലി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. സം​ഭ​വ​ത്തി​ന് പി​ന്നാ​ലെ യു​വ​തി​ക്കൊ​പ്പ​മു​ണ്ടാ​യി​രു​ന്ന തൃ​ശൂ​ർ സ്വ​ദേ​ശി അ​ബ്ദു​ൾ സ​നൂ​ഫി​നെ കാ​ണാ​താ​യി​രു​ന്നു. ഇ​യാ​ളെ​ക്കു​റി​ച്ച് പോ​ലീ​സി​ന് ഇ​തു​വ​രെ വി​വ​ര​മൊ​ന്നും ല​ഭി​ച്ചി​ട്ടി​ല്ല.

ഞാ​യ​റാ​ഴ്ച രാ​ത്രി 11 ഓ​ടെ​യാ​ണ് യു​വാ​വി​നൊ​പ്പം യു​വ​തി ലോ​ഡ്ജി​ൽ എ​ത്തി​യ​ത്. 25ന് ​രാ​ത്രി 10 ഓ​ടെ പ​ണ​മെ​ടു​ത്ത് വ​രാ​മെ​ന്ന് പ​റ​ഞ്ഞ് യു​വാ​വ് ലോ​ഡ്ജി​ൽ നി​ന്നും പു​റ​ത്തേ​ക്ക് പോ​യി. പി​ന്നീ​ട് തി​രി​ച്ചെ​ത്തി​യി​ല്ല.

യു​വ​തി​യു​ടെ ആ​ധാ​ർ കാ​ർ​ഡ്, പാ​ൻ​കാ​ർ​ഡ്, റേ​ഷ​ൻ കാ​ർ​ഡ് എ​ന്നി​വ പോ​ലീ​സ് ലോ​ഡ്ജി​ൽ നി​ന്നും ക​ണ്ടെ​ടു​ത്തി​രു​ന്നു. ഇ​താ​ണ് മ​രി​ച്ച യു​വ​തി​യെ തി​രി​ച്ച​റി​യാ​ൻ സ​ഹാ​യി​ച്ച​ത്.

ഇ​ന്ന് ഉ​ച്ച​യോ​ടെ​യാ​ണ് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ യു​വ​തി​യു​ടെ മൃ​ത​ദേ​ഹം പോ​സ്റ്റ്മോ​ർ​ട്ടം ചെ​യ്ത​ത്. യുവതിയെ ശ്വാസം മുട്ടിച്ച് കൊലപ്പെടുത്തിയെന്നാണ് പ്രാഥമിക നിഗമനം. ന​ട​പ​ടി​ക്ര​മ​ങ്ങ​ൾ​ക്ക് ശേ​ഷം മൃ​ത​ദേ​ഹം ബ​ന്ധു​ക്ക​ൾ​ക്ക് വി​ട്ടു​ന​ൽ​കി.