ഹൈ​ദ​രാ​ബാ​ദ്: സ​യി​ദ് മു​ഷ്താ​ഖ് അ​ലി ട്രോ​ഫി​യി​ല്‍ മ​ഹാ​രാ​ഷ്‌​ട്ര​യ്ക്കെ​തി​രേ കേ​ര​ള​ത്തി​ന് തോ​ൽ​വി. ഹൈ​ദ​രാ​ബാ​ദ്, രാ​ജീ​വ് ഗാ​ന്ധി ഇ​ന്‍റ​ര്‍​നാ​ഷ​ണ​ല്‍ സ്റ്റേ​ഡി​യ​ത്തി​ല്‍ ആ​ദ്യം ബാ​റ്റ് ചെ​യ്ത കേ​ര​ളം ഉ​യ​ർ​ത്തി​യ 188 റ​ൺ​സ് വി​ജ​യ​ല​ക്ഷ്യം ഒ​രു പ​ന്തും നാ​ലു വി​ക്ക​റ്റും ശേ​ഷി​ക്കെ മ​ഹാ​രാ​ഷ്ട്ര മ​റി​ക​ട​ന്നു.

രാ​ഹു​ൽ ത്രി​പാ​ഠി (44), ദി​വ്യാം​ഗ് ഹിം​ഗ​നേ​ക്ക​ര്‍ (18 പ​ന്തി​ൽ 43), അ​സിം കാ​സി (32), അ​ര്‍​ഷി​ന്‍ കു​ല്‍​ക്ക​ര്‍​ണി (24) എ​ന്നി​വ​രാ​ണ് മ​ഹാ​രാ​ഷ്ട്ര​യ്ക്ക് വി​ജ​യ​മൊ​രു​ക്കി​യ​ത്. കേ​ര​ള​ത്തി​നു വേ​ണ്ടി എം.​ഡി. നി​തീ​ഷ്, സി​ജോ​മോ​ൻ ജോ​സ​ഫ് എ​ന്നി​വ​ർ ര​ണ്ടു​വി​ക്ക​റ്റ് വീ​ത​വും സി.​വി. വി​നോ​ദ് കു​മാ​ർ, പി.​എ. അ​ബ്ദു​ൾ ബാ​സി​ത് എ​ന്നി​വ​ർ ഓ​രോ വി​ക്ക​റ്റും വീ​ഴ്ത്തി.

നേ​ര​ത്തെ, ടോ​സ് ന​ഷ്ട​മാ​യി ബാ​റ്റിം​ഗി​നി​റ​ങ്ങി​യ കേ​ര​ളം ഏ​ഴ് വി​ക്ക​റ്റ് ന​ഷ്ട​ത്തി​ലാ​ണ് 187 റ​ണ്‍​സെ​ടു​ത്ത​ത്. 45 റ​ൺ​സെ​ടു​ത്ത രോ​ഹ​ന്‍ കു​ന്നു​മ്മ​ല്‍ ആ​ണ് കേ​ര​ള​ത്തി​ന്‍റെ ടോ​പ് സ്കോ​റ​ർ. മു​ഹ​മ്മ​ദ് അ​സ്ഹ​റു​ദ്ദീ​ന്‍ (40), സ​ച്ചി​ന്‍ ബേ​ബി (പു​റ​ത്താ​വാ​തെ 40) എ​ന്നി​വ​ർ മി​ക​ച്ച പ്ര​ക​ട​നം കാ​ഴ്ച​വ​ച്ചു.

ടോ​സ് ന​ഷ്ട​പ്പെ​ട്ട് ബാ​റ്റിം​ഗി​നി​റ​ങ്ങി​യ കേ​ര​ള​ത്തി​ന്‍റെ തു​ട​ക്കം ഭേ​ദ​പ്പെ​ട്ട​താ​യി​രു​ന്നു. ഒ​ന്നാം വി​ക്ക​റ്റി​ല്‍ ക്യാ​പ്റ്റ​ന്‍ സ​ഞ്ജു സാം​സ​ണും (19) രോ​ഹ​ന്‍ കു​ന്നു​മ്മ​ലും ചേ​ർ​ന്ന് 43 റ​ണ്‍​സ് ചേ​ര്‍​ത്തു. എ​ന്നാ​ല്‍ സ​ഞ്ജു​വി​നെ, അ​ര്‍​ഷി​ന്‍ കു​ല്‍​ക്ക​ര്‍​ണി പു​റ​ത്താ​ക്കി. പി​ന്നാ​ലെ വി​ഷ്ണു വി​നോ​ദും (ഒ​മ്പ​ത്) സ​ല്‍​മാ​ന്‍ നി​സാ​റും (ഒ​ന്ന്) മ​ട​ങ്ങി​യ​തോ​ടെ കേ​ര​ളം മൂ​ന്നി​ന് 55 എ​ന്ന നി​ല​യി​ൽ ത​ക​ർ​ന്നു.

പി​ന്നാ​ലെ ക്രീ​സി​ൽ ഒ​ന്നി​ച്ച രോ​ഹ​ന്‍ - അ​സ്‌​ഹ​റു​ദ്ദീ​ന്‍ സ​ഖ്യം 33 റ​ണ്‍​സ് കൂ​ട്ടി​ച്ചേ​ര്‍​ത്തു. എ​ന്നാ​ൽ സ്കോ​ർ 88 റ​ൺ​സി​ൽ നി​ല്ക്കെ രോ​ഹ​നെ പു​റ​ത്താ​ക്കി അ​ർ​ഷി​ൻ കു​ൽ​ക്ക​ർ​ണി മ​ഹാ​രാ​ഷ്ട്ര​യ്ക്ക് ബ്രേ​ക്ക്ത്രൂ സ​മ്മാ​നി​ച്ചു. 24 പ​ന്തി​ല്‍ ര​ണ്ട് സി​ക്‌​സും അ​ഞ്ച് ഫോ​റും ഉ​ള്‍​പ്പെ​ടു​ന്ന​താ​യി​രു​ന്നു രോ​ഹ​ന്‍റെ ഇ​ന്നിം​ഗ്സ്.

രോ​ഹ​ന്‍ മ​ട​ങ്ങി​യ​തി​നു പി​ന്നാ​ലെ സ​ച്ചി​ൻ ബേ​ബി​ക്കൊ​പ്പം ചേ​ർ​ന്ന് അ​സ്ഹ​റു​ദ്ദീ​ന്‍ നി​ര്‍​ണാ​യ​ക കൂ​ട്ടു​കെ​ട്ടു​ണ്ടാ​ക്കി. ഇ​രു​വ​രും 48 റ​ണ്‍​സാ​ണ് ചേ​ര്‍​ത്ത​ത്. സ്കോ​ർ 136 റ​ൺ​സി​ൽ നി​ല്ക്കെ, അ​സ്ഹ​റു​ദ്ദീ​ൻ പു​റ​ത്താ​യി. 29 പ​ന്തി​ൽ ര​ണ്ടു സി​ക്സ​റും മൂ​ന്നു ഫോ​റു​മു​ൾ​പ്പെ​ടു​ന്ന​താ​ണ് അ​സ്ഹ​റു​ദ്ദീ​ന്‍റെ ഇ​ന്നിം​ഗ്സ്.

തു​ട​ർ​ന്ന് ക്രീ​സി​ലെ​ത്തി​യ അ​ബ്ദു​ള്‍ ബാ​സി​ത് (14 പ​ന്തി​ല്‍ 24) അ​തി​വേ​ഗം സ്‌​കോ​ര്‍ 150 ക​ട​ത്തി. അ​വ​സാ​ന ഓ​വ​റി​ൽ ബാ​സി​തും പി​ന്നാ​ലെ വി​നോ​ദ് കു​മാ​റും (പൂ​ജ്യം) പു​റ​ത്താ​യി. അ​ഖി​ല്‍ സ്‌​ക​റി​യ (നാ​ല്) സ​ച്ചി​ന്‍ ബേ​ബി​ക്കൊ​പ്പം പു​റ​ത്താ​വാ​തെ നി​ന്നു.

മ​റു​പ​ടി ബാ​റ്റിം​ഗി​നി​റ​ങ്ങി​യ മ​ഹാ​രാ​ഷ്ട്ര​യു​ടെ തു​ട​ക്ക​വും മോ​ശ​മാ​യി​രു​ന്നു. തു​ട​ക്ക​ത്തി​ല്‍ ത​ന്നെ ക്യാ​പ്റ്റ​ന്‍ ഋ​തു​രാ​ജ് ഗെ​യ്ക്‌​വാ​ദി​ന്‍റെ (ഒ​ന്ന്) വി​ക്ക​റ്റ് ന​ഷ്ട​മാ​യി. തു​ട​ര്‍​ന്ന് ക്രീ​സി​ൽ ഒ​ന്നി​ച്ച രാ​ഹു​ല്‍ ത്രി​പാ​ഠി​യും അ​ര്‍​ഷി​ന്‍ കു​ല്‍​ക്ക​ര്‍​ണി​യും ചേ​ർ​ന്ന് 46 റ​ണ്‍​സ് കൂ​ട്ടി​ച്ചേ​ര്‍​ത്തു. എ​ന്നാ​ല്‍ സ്കോ​ർ 56ൽ ​നി​ല്ക്കെ കു​ല്‍​ക്ക​ര്‍​ണി​യെ പു​റ​ത്താ​ക്കി അ​ബ്ദു​ള്‍ ബാ​സി​ത് കേ​ര​ള​ത്തി​ന് ബ്രേ​ക്ക്ത്രൂ ന​ല്‍​കി.

പി​ന്നാ​ലെ അ​സി കാ​സി​യെ കൂ​ട്ടു​പി​ടി​ച്ച് ത്രി​പാ​ഠി സ്കോ​ർ ഉ​യ​ർ​ത്തി. ഇ​രു​വ​രും ചേ​ർ​ന്ന് 49 റ​ൺ​സി​ന്‍റെ കൂ​ട്ടു​കെ​ട്ട് പ​ടു​ത്തു​യ​ർ​ത്തി. എ​ന്നാ​ൽ, സ്കോ​ർ നൂ​റു​ക​ട​ന്ന​തി​നു പി​ന്നാ​ലെ ത്രി​പാ​ഠി​യെ സി​ജോ​മോ​ൻ ജോ​സ​ഫ് പു​റ​ത്താ​ക്കി. പി​ന്നാ​ലെ അ​സി കാ​സി​യും സി​ജോ​മോ​ന് വി​ക്ക​റ്റ് ന​ല്കി മ​ട​ങ്ങി. തു​ട​ർ​ന്ന് ക്രീ​സി​ലെ​ത്തി​യ എ​ന്‍.​എ​സ്. നാ​യ്ക്ക് (10), ധ​ന്‍​രാ​ജ് ഷി​ന്‍​ഡെ (നാ​ല്) എ​ന്നി​വ​ര്‍​ക്കും തി​ള​ങ്ങാ​നാ​യി​ല്ല. എ​ന്നാ​ല്‍ ഹിം​ഗ​നേ​ക്ക​ര്‍ കൂ​റ്റ​ന​ടി​ക​ളോ​ടെ ഒ​ര​റ്റ​ത്ത് ഉ​റ​ച്ചു​നി​ന്നു.

അ​ഖി​ൽ സ്ക​റി​യ എ​റി​ഞ്ഞ അ​വ​സാ​ന ഓ​വ​റി​ല്‍ ഏ​ഴ് റ​ണ്‍​സാ​ണ് മ​ഹാ​രാ​ഷ്ട്ര​യ്ക്ക് ജ​യി​ക്കാ​ന്‍ വേ​ണ്ടി​യി​രു​ന്ന​ത്. ആ​ദ്യ പ​ന്ത് വൈ​ഡാ​യി. ര​ണ്ടും മൂ​ന്നും പ​ന്തി​ൽ സിം​ഗി​ൾ. അ​ടു​ത്ത പ​ന്തി​ല്‍ ഡ​ബി​ള്‍. അ​ടു​ത്ത പ​ന്തി​ല്‍ റ​ണ്ണി​ല്ല. അ​വ​സാ​ന ര​ണ്ടു​പ​ന്തി​ല്‍ ജ​യി​ക്കാ​ന്‍ മൂ​ന്ന് റ​ണ്‍ വേ​ണ്ടി​യി​രി​ക്കെ ഹിം​ഗ​നേ​ക്ക​ർ ബൗ​ണ്ട​റി​യി​ലൂ​ടെ വി​ജ​യം പി​ടി​ച്ചെ​ടു​ത്തു. ആ​ര്‍.​എ​സ്.​ഘോ​ഷ് (13) പു​റ​ത്താ​കാ​തെ നി​ന്നു.