മ​ല​പ്പു​റം: തി​രൂ​രി​ലെ ഡെ​പ്യൂ​ട്ടി ത​ഹ​സി​ല്‍​ദാ​ർ പി.​ബി. ചാ​ലി​ബി​ന്‍റെ തി​രോ​ധാ​ന​ത്തി​ന് പി​ന്നി​ല്‍ ബ്ലാ​ക്‌​മെ​യി​ലിം​ഗെ​ന്ന് പോ​ലീ​സ്. സം​ഭ​വ​ത്തി​ല്‍ മൂ​ന്ന് പേ​രെ തി​രൂ​ര്‍ പോ​ലീ​സ് ക​സ്റ്റ​ഡി​യി​ലെ​ടു​ത്തു.

മ​ല​പ്പു​റം സ്വ​ദേ​ശി​ക​ളാ​യ ഷെ​ഫീ​ക്, ഫൈ​സ​ല്‍, അ​ജ്മ​ല്‍ എ​ന്നി​വ​രെ​യാ​ണ് ക​സ്റ്റ​ഡി​യി​ലെ​ടു​ത്ത​ത്. ഇ​വ​രെ ചോ​ദ്യം ചെ​യ്തു​വ​രി​ക​യാ​ണ്.

പോ​ക്‌​സോ കേ​സി​ല്‍​പ്പെ​ടു​ത്തി കു​ടും​ബം ന​ശി​പ്പി​ക്കു​മെ​ന്ന് ഭീ​ഷ​ണി​പ്പെ​ടു​ത്തി 10 ല​ക്ഷം രൂ​പ പ്ര​തി​ക​ള്‍ ത​ട്ടി​യെ​ടു​ത്തെ​ന്നാ​ണ് ചാ​ലി​ബ് മൊ​ഴി ന​ൽ​കി​യി​രി​ക്കു​ന്ന​ത്. ഭീ​ഷ​ണി തു​ട​ർ​ന്ന​പ്പോ​ൾ ഉ​ണ്ടാ​യ മാ​ന​സി​ക പ്ര​യാ​സ​ത്തി​ലാ​ണ് നാ​ടു​വി​ട്ട​തെ​ന്നും ഇ​യാ​ൾ പ​റ​ഞ്ഞു. സം​ഭ​വ​ത്തി​ൽ വി​ശ​ദ​മാ​യ അ​ന്വേ​ഷ​ണം ന​ട​ത്തി​വ​രി​ക​യാ​ണെ​ന്നും പോ​ലീ​സ് അ​റി​യി​ച്ചു.

ക​ഴി​ഞ്ഞ ബു​ധ​നാ​ഴ്ച മു​ത​ലാ​ണ് ചാ​ലി​ബി​നെ കാ​ണാ​താ​യ​ത്. വൈ​കു​ന്നേ​രം ഓ​ഫീ​സി​ൽ നി​ന്ന് ഇ​റ​ങ്ങി​യ ചാ​ലി​ബ് വീ​ട്ടി​ലെ​ത്താ​ൻ വൈ​കു​മെ​ന്ന് ഭാ​ര്യ​യെ അ​റി​യി​ച്ചി​രു​ന്നു. രാ​ത്രി എ​ട്ടി​ന് വീ​ണ്ടും അ​ന്വേ​ഷി​ച്ച​പ്പോ​ൾ വ​ളാ​ഞ്ചേ​രി ഭാ​ഗ​ത്താ​ണെ​ന്നും പോ​ലീ​സും എ​ക്സൈ​സു​മൊ​ത്ത് പ​രി​ശോ​ധ​ന​യു​ള്ള​തി​നാ​ൽ വീ​ട്ടി​ലെ​ത്താ​ൻ വൈ​കു​മെ​ന്നും മെ​സേ​ജ് അ​യ​ച്ചു.

പി​ന്നീ​ട് വി​ളി​ച്ച​പ്പോ​ഴൊ​ന്നും ഫോ​ണി​ൽ കി​ട്ടി​യി​ല്ല. തു​ട​ർ​ന്ന് കു​ടും​ബം പോ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു. പോ​ലീ​സ് അ​ന്വേ​ഷ​ണം ശ​ക്ത​മാ​ക്കു​ന്ന​തി​നി​ടെ അ​ദ്ദേ​ഹം വെ​ള്ളി​യാ​ഴ്ച ഭാ​ര്യ​യു​മാ​യി ഫോ​ണി​ൽ ബ​ന്ധ​പ്പെ​ട്ടി​രു​ന്നു. പി​ന്നീ​ട് വെ​ള്ളി​യാ​ഴ്ച രാ​ത്രി 11ഓ​ടെ​യാ​ണ് വീ​ട്ടി​ലെ​ത്തി​യ​ത്.