കോഴിക്കോട്: ഭാര്യയെ ഭർത്താവ് വെട്ടി പരിക്കേൽപ്പിച്ചു. കോഴിക്കോട് വടകര ചെമ്മരത്തൂരിലാണ് സംഭവം. ചെമ്മരത്തൂർ സ്വദേശി അനഘയ്ക്കാണ് വെട്ടേറ്റത്.

സംഭവത്തിൽ ഭർത്താവ് ഷനൂബിനെ വടകര പോലീസ് കസ്റ്റഡിയിലെടുത്തു. തന്നെ വകവരുത്തുമെന്ന് ചൂണ്ടിക്കാട്ടി കഴിഞ്ഞ ദിവസം ഭർത്താവ് പലർക്കും ഓഡിയോ സന്ദേശം അയച്ചിരുന്നെന്ന് അനഘ പറഞ്ഞു.

അക്രമം തടയുന്നതിനിടെ അനഘയുടെ അമ്മൂമ്മയ്ക്കും പരിക്കേറ്റു. അനഘയെ വടകര ജില്ലാ ആശുപത്രിയിൽ പ്രവേശിപ്പിച്ചു.