എറണാകുളത്ത് ആറംഗ സംഘം വീട്ടമ്മയെ വീട്ടിൽ കയറി ആക്രമിച്ചു
Monday, October 28, 2024 12:04 AM IST
എറണാകുളം: മരടിൽ ആറംഗ സംഘം വീട്ടമ്മയെ വീട്ടിൽ കയറി ആക്രമിച്ചു. കണ്ണാടിക്കാട് പരവര വീട്ടിൽ ലില്ലിയുടെ വീട്ടിലാണ് ആക്രമണം ഉണ്ടായത്. ഞായറാഴ്ച ഉച്ചയ്ക്കാണ് സംഭവം.
ആറംഗ സംഘമെത്തി വാതിൽ തള്ളി തുറന്ന് വീടിന്റെ ഷോക്കേസ് ചില്ല് തകർക്കുകയും ലില്ലിയെ തള്ളിയിടുകയും ചെയ്തു. ആക്രമണം നടത്തിയ സംഘത്തെ മരട് പോലീസ് കസ്റ്റഡിയിലെടുത്തു. തമിഴ്നാട് ദിണ്ടിക്കലിൽ നിന്നുള്ള സംഘമാണ് കസ്റ്റഡിയിലായത്.
ലില്ലിയുടെ മൂത്ത മകൻ ജോലി ചെയ്യുന്ന ഫിലിം കമ്പനിയുമായി ബന്ധപ്പെട്ടുളള സാമ്പത്തിക തർക്കമാണ് ആക്രമണത്തിന് പിന്നിലെന്നാണ് പോലീസ് അറിയിച്ചത്.