പ്രചാരണം കൊഴുപ്പിക്കാൻ പ്രിയങ്ക തിങ്കളാഴ്ച വയനാട്ടിൽ
Sunday, October 27, 2024 11:30 PM IST
കല്പ്പറ്റ: തെരഞ്ഞെടുപ്പ് പ്രചരണത്തിന്റെ ഭാഗമായി യുഡിഎഫ് സ്ഥാനാര്ഥി പ്രിയങ്ക ഗാന്ധി തിങ്കളാഴ്ച വയനാട് മണ്ഡലത്തിലെ വിവിധ പ്രദേശങ്ങളിൽ പര്യടനം നടത്തും. രാവിലെ മൈസൂരുവില് വിമാനം ഇറങ്ങുന്ന പ്രിയങ്ക ഹെലികോപ്റ്ററില് നീലഗിരി കോളജ് ഗ്രൗണ്ടില് എത്തും.
അവിടെ നിന്നും റോഡ് മാര്ഗമായിരിക്കും പരിപാടി നടക്കുന്ന സ്ഥലത്തെത്തുക. രാവിലെ പതിനൊന്നരയ്ക്ക് സുല്ത്താന് ബത്തേരി നിയോജക മണ്ഡലത്തിലെ മീനങ്ങാടിയിലാണ് ആദ്യ പരിപാടി. ഉച്ചയ്ക്ക് രണ്ടരയ്ക്ക് മാനന്തവാടി നിയോജക മണ്ഡലത്തിലെ പനമരത്തെ പരിപാടിയില് സംബന്ധിക്കും.
തുടർന്ന് തിരുവമ്പാടി, ഏറനാട്, വണ്ടൂര്, നിലമ്പൂര് നിയോജക മണ്ഡലങ്ങളിലെ പരിപാടികളിലും പ്രിയങ്ക പങ്കെടുക്കും.