ഗുൽമാർഗ് ഭീകരാക്രമണം; ഉത്തരവാദിത്വം ഏറ്റെടുത്ത് പിഎഎഫ്എഫ്
Friday, October 25, 2024 6:12 AM IST
ശ്രീനഗർ: ഗുൽമാർഗ് ഭീകരാക്രമണത്തിന്റെ ഉത്തരവാദിത്വം ഏറ്റെടുത്ത് ഭീകരസംഘടനയായ പിഎഎഫ്എഫ്. ജയ്ഷെ മുഹമ്മദുമായി ബന്ധമുള്ള സംഘടനയാണ് പിഎഎഫ്എഫ്.
ആക്രമണം നടത്തിയ ഭീകരർക്കായി സൈന്യം തെരച്ചിൽ ശക്തമാക്കിയിരിക്കുകയാണ്. തെരച്ചിലിനായി വന മേഖലയിലേക്ക് കൂടുതൽ സൈനികരെ എത്തിച്ചു. ജമ്മുകാഷ്മീരിൽ അതീവ ജാഗ്രത തുടരുകയാണ്.
ബുധനാഴ്ച ഗുൽമാർഗിലുണ്ടായ ഭീകരാക്രമണത്തിൽ രണ്ടു സൈനികർ വീരമൃത്യു വരിച്ചിരുന്നു. നിയന്ത്രണ രേഖയ്ക്ക് സമീപത്ത് നിന്ന് ഭീകരർ സൈനിക വാഹനത്തിന് നേർക്ക് വെടിയുതിർക്കുകയായിരുന്നു.
വ്യാഴാഴ്ച വൈകുന്നേരം പട്രോളിംഗ് നടത്തുകയായിരുന്ന സൈനികർക്ക് നേരെ ഭീകരർ വെടിവയ്ക്കുകയായിരുന്നു.