ദിവ്യക്കെതിരായ നടപടി സംഘടനാപരമായി ആലോചിക്കും: എം.വി.ഗോവിന്ദൻ
Thursday, October 24, 2024 8:35 PM IST
കണ്ണൂർ : എഡിഎം നവീൻ ബാബുവിന്റെ മരണവുമായി ബന്ധപ്പെട്ട് അന്വേഷണം നേരിടുന്ന പി.പി.ദിവ്യക്കെതിരെ പാർട്ടി നടപടിയുണ്ടാകുമെന്ന് സൂചന. തെറ്റായ നിലപാടിനൊപ്പം പാർട്ടി നിൽക്കില്ലെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദൻ പറഞ്ഞു.
ദിവ്യക്കെതിരെയുള്ള നടപടി സംഘടനാപരമായി ആലോചിക്കുമെന്നും അദ്ദേഹം വ്യക്തമാക്കി. പാർട്ടി എഡിഎമ്മിന്റെ കുടുംബത്തോടൊപ്പമാണെന്നും എം.വി.ഗോവിന്ദൻ വ്യക്തമാക്കി. ദിവ്യക്കെതിരെ ശക്തമായ നടപടി സ്വീകരിക്കണമെന്ന് സിപിഎം പത്തനംതിട്ട ജില്ലാ സെക്രട്ടറി ആവശ്യപ്പെട്ടിരുന്നു.
അതേസമയം എഡിഎം നവീന് ബാബുവിന്റെ മരണവുമായി ബന്ധപ്പെട്ട് ലാന്ഡ് റവന്യൂ ജോയിന്റ് കമ്മീഷണര് നടത്തിയ അന്വേഷണത്തിന്റെ റിപ്പോര്ട്ട് സര്ക്കാരിന് കൈമാറി. പെട്രോള് പമ്പുമായി ബന്ധപ്പെട്ട് ഉയര്ന്ന ആരോപണത്തില് നവീന് ബാബുവിന് ക്ലീന് ചിറ്റ് നല്കുന്നതാണ് റവന്യൂ വകുപ്പിന്റെ അന്വേഷണ റിപ്പോര്ട്ട്.