കെഎസ്ആർടിസി ബസ് ബൈക്കിൽ ഇടിച്ച് വിദ്യാർഥിക്ക് ദാരുണാന്ത്യം
Thursday, October 24, 2024 7:05 PM IST
മലപ്പുറം: കെഎസ്ആർടിസി ബസ് ബൈക്കിൽ ഇടിച്ച് വിദ്യാർഥി മരിച്ചു. മലപ്പുറം രാമപുരത്തുണ്ടായ സംഭവത്തിൽ ഒരാൾക്ക് ഗുരുതരമായി പരിക്കേറ്റു. രാമപുരം ജംസ് കോളജ് വിദ്യാർഥി ഹസൻ ഫദലാണ് (19) മരിച്ചത്.
ഗുരുതരമായി പരിക്കേറ്റ സഹയാത്രികനും വിദ്യാർഥിയുമായ ഇസ്മായിൽ ലബീബിനെ പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഹസൻ ഫദലിന്റെ മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകും.
പോലീസും ഫയർഫോഴ്സ് ഉദ്യോഗസ്ഥരും സ്ഥലത്ത് എത്തി മേൽ നടപടികൾ സ്വീകരിച്ചു.