സാമ്പാറിൽ ചത്ത പല്ലി; ശ്രീകാര്യം സിഇടി എന്ജിനിയറിംഗ് കോളജ് കാന്റീൻ അടപ്പിച്ചു
Tuesday, October 22, 2024 11:03 PM IST
തിരുവനന്തപുരം: സാമ്പാറിൽ ചത്ത പല്ലിയെ കണ്ടെത്തിയതിനെ തുടർന്ന് ശ്രീകാര്യം സിഇടി എന്ജിനിയറിംഗ് കോളജ് കാന്റീൻ അടപ്പിച്ചു. പരാതിയെ തുടർന്ന് ഭക്ഷ്യ സുരക്ഷാ വിഭാഗം സ്ഥലത്തെത്തി പരിശോധന നടത്തി.
സ്ഥലത്തെത്തിയ ഭക്ഷ്യ സുരക്ഷാ വിഭാഗം സാമ്പിളുകൾ ശേഖരിച്ചു. വിദ്യാര്ഥി പ്രതിഷേധത്തെ തുടർന്ന് ഉച്ചയ്ക്കുശേഷം കോളജിന് അവധി നൽകി. ഭക്ഷ്യ സുരക്ഷ വിഭാഗത്തിന്റെ പരിശോധനയിൽ പിഴ ഈടാക്കി കാന്റീൻ അടപ്പിച്ചു.
കാന്റീനിലെ സാഹചര്യം മെച്ചപ്പെടുത്തിയതിനു ശേഷം മാത്രമേ തുറക്കാൻ അനുവദിക്കുകയുള്ളൂ എന്ന് ഭക്ഷ്യ സുരക്ഷ വിഭാഗം അറിയിച്ചു.