അൻവറുമായുള്ള ചർച്ച മതേതരവോട്ടുകൾ ഭിന്നിക്കുന്നത് തടയാൻ: രാഹുൽ മാങ്കൂട്ടത്തിൽ
Monday, October 21, 2024 12:00 PM IST
പാലക്കാട്: പി.വി. അൻവറുമായി ചർച്ച നടത്തുന്നത് മതേതര വോട്ടുകൾ ഭിന്നിക്കുന്നത് തടയാനെന്ന് പാലക്കാട്ടെ യുഡിഎഫ് സ്ഥാനാർഥി രാഹുൽ മാങ്കൂട്ടത്തിൽ. അൻവറിന്റെ പിന്തുണ ഗുണം ചെയ്യുമെന്നും രാഹുൽ മാങ്കൂട്ടത്തിൽ പറഞ്ഞു.
യുഡിഎഫ് എട്ട് വർഷമായി പറഞ്ഞു കൊണ്ടിരുന്ന കാര്യങ്ങൾ ഭരണ പക്ഷത്തുനിന്ന് തുറന്ന് പറഞ്ഞയാളാണ് അൻവർ. അൻവറിന്റെ സ്ഥാനാർഥിയെ പിൻവലിക്കുന്ന കാര്യം നേതൃത്വമാണ് സംസാരിക്കുന്നത്. പാലക്കാട് ചർച്ചയാവുക യുഡിഎഫിലെ വിമത ശബ്ദങ്ങളല്ല, കേന്ദ്ര - സംസ്ഥാന സർക്കാരുകളുടെ വീഴ്ചകളാണെന്നും രാഹുൽ വ്യക്തമാക്കി.