ഉള്ള്യേരിയിൽ തെരുവുനായ്ക്കളുടെ വിളയാട്ടം; 12 പേർക്ക് കടിയേറ്റു
Monday, October 21, 2024 10:52 AM IST
കോഴിക്കോട്: ഉള്ള്യേരിയില് വിവിധയിടങ്ങളിലായി തെരുവുനായ്ക്കളുടെ ആക്രമണത്തിൽ 12 പേർക്ക് പരിക്കേറ്റു. ഞായറാഴ്ച രാത്രിയാണ് സംഭവം.
നായ്ക്കളുടെ കടിയേറ്റ് ഗുരുതരമായി പരുക്കേറ്റ മനാത്താനത്ത് മീത്തല് സുജീഷിനെ കോഴിക്കോട് മെഡിക്കല്കോളജ് ആശുപത്രിയില് പ്രവേശിപ്പിച്ചു. മറ്റുള്ളവർ കൊയിലാണ്ടി താലൂക്ക് ആശുപത്രിയില് ചികിത്സ തേടി.
മറ്റൊരു സംഭവത്തിൽ, ബസ് കാത്തുനില്ക്കുന്ന വിദ്യാര്ഥികള്ക്ക് നേരെ നായ ചാടിവീണെങ്കിലും കുട്ടികള് ഓടി രക്ഷപ്പെട്ടു. വീടുകളില് കെട്ടിയിട്ട നായ്ക്കളെയും തെരുവുനായ്ക്കൾ ആക്രമിച്ചു.