വര്ക്കലയില് യുവാവ് മരിച്ച നിലയില്; കൊലപാതകമെന്ന് സംശയം
Monday, October 21, 2024 9:24 AM IST
തിരുവനന്തപുരം: വര്ക്കലയിൽ യുവാവിനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. വര്ക്കല വെട്ടൂര് സ്വദേശി ബിജു ആണ് മരിച്ചത്.
ഡിവൈഎസ്പി ഓഫീസിന് സമീപത്തെ കടമുറിക്ക് മുന്നിൽ ഇന്ന് രാവിലെ ഏഴരയോടെയാണ് മൃതദേഹം കണ്ടെത്തിയത്. തലയ്ക്ക് അടിയേറ്റ മുറിവുണ്ട്. രക്തം വാര്ന്ന് മരിച്ച നിലയിലാണ് മൃതദേഹമെന്ന് പോലീസ് അറിയിച്ചു.
സംഭവം കൊലപാതകമെന്നാണ് പോലീസ് സംശയിക്കുന്നത്. അന്വേഷണം ആരംഭിച്ചതായി പോലീസ് അറിയിച്ചു.