രാജസ്ഥാനിൽ ബസും ട്രക്കും കൂട്ടിയിടിച്ച് അപകടം: 12 മരണം
Sunday, October 20, 2024 5:33 PM IST
ജയ്പുർ: രാജസ്ഥാനിൽ ബസും ട്രക്കും കൂട്ടിയിടിച്ചുണ്ടായ അപകടത്തിൽ 12 പേർ മരിച്ചു. മൂന്ന് പേർക്ക് ഗുരുതരമായി പരിക്കേറ്റു.
രാജസ്ഥാനിലെ ദോൽപുർ ജില്ലയിലുള്ള സുമിപുരിലാണ് അപകടമുണ്ടായത്. ശനിയാഴ്ച രാത്രിയാണ് അപകടമുണ്ടായത്.
ഗ്വാളിയോറിൽ നിന്ന് ജയ്പുരിലേക്ക് പോയ ബസാണ് അപകടത്തിൽപ്പെട്ടത്. മരിച്ചവരിൽ എട്ട് പേർ കുട്ടികളാണ്.
അപകടത്തെക്കുറിച്ച് അന്വേഷണം ആരംഭിച്ചതായി പോലീസ് അറിയിച്ചു.