ഉത്തർപ്രദേശിൽ ബസ് കൊക്കയിലേക്ക് മറിഞ്ഞു: രണ്ട് മരണം
Saturday, October 19, 2024 1:17 AM IST
ലക്നോ: ഉത്തർപ്രദേശിൽ ബസ് കൊക്കയിലേക്ക് മറിഞ്ഞുണ്ടായ അപകടത്തിൽ രണ്ട് പേർ മരിച്ചു. 22 പേർക്ക് പരിക്കേറ്റു.
സിദ്ധാർഥ് നഗറിലെ ദെബെറുവ പോലീസ് സ്റ്റേഷന്റെ പരിധിയിൽ ബൽറാംപുർ റോഡിലാണ് അപകടമുണ്ടായത്. 55 പേരാണ് ബസിലുണ്ടായിരുന്നത്. ഷോഹ്റത്ഗഡിലെ മഹൻകോല ഗ്രാമത്തിൽ നിന്നുള്ളവരാണ് ബസിൽ സഞ്ചരിച്ചിരുന്നത്.
പോലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചു.