കാറിടിച്ച് രണ്ട് സ്കൂള് വിദ്യാര്ഥികള്ക്ക് ദാരുണാന്ത്യം
Friday, October 18, 2024 9:11 PM IST
പാലക്കാട്: മാധ്യമപ്രവര്ത്തകര് സഞ്ചരിച്ച കാര് നിയന്ത്രണം വിട്ട് ഇടിച്ച് രണ്ട് സ്കൂള് വിദ്യാര്ഥികള് മരിച്ചു. തൃശൂര് - പാലക്കാട് ദേശിയപാതയില് വാണിയമ്പാറ നിലിപ്പാറയിലായിരുന്നു സംഭവം.
അപകടത്തിൽ മേരി മാതാ ഹയര്സെക്കന്ഡറി സ്കൂളിലെ പത്താം ക്ലാസ് വിദ്യാര്ഥികളായ മുഹമ്മദ് ഇസാം ഇഖ്ബാല്, മുഹമ്മദ് റോഷന് എന്നിവരാണ് മരിച്ചത്. അപകടം നടന്ന ഉടനെ ഇരുവരെയും ആശുപത്രിയിലെത്തിച്ചങ്കിലും ജീവന് രക്ഷിക്കാനായില്ല.
വിദ്യാര്ഥികളുടെ മൃതദേഹം പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ടു നൽകും. പോലീസും ഫയർഫോഴ്സും സ്ഥലത്ത് എത്തി മേൽ നടപടികൾ സ്വീകരിച്ചു.