വടക്കാഞ്ചേരിയിൽ കാറപകടം; കാൽനടയാത്രക്കാരായ വിദ്യാർഥികൾ മരിച്ചു
Friday, October 18, 2024 4:15 PM IST
പാലക്കാട്: വടക്കാഞ്ചേരിയിൽ കാറിടിച്ച് പത്താം ക്ലാസ് വിദ്യാർഥികൾ മരിച്ചു. മുഹമ്മദ് ഇസാം ഇക്ബാൽ (15), മുഹമ്മദ് റോഷൻ (15) എന്നിവരാണ് മരിച്ചത്.
ഇന്ന് ഉച്ചയ്ക്ക് ഒന്നിനായിരുന്നു അപകടം. എറണാകുളത്തുനിന്നും പാലക്കാട്ടെയ്ക്ക് പോവുകയായിരുന്ന കാർ നിയന്ത്രണം വിട്ട് റോഡരികിലൂടെ നടന്നുപോവുകയായിരുന്ന കുട്ടികളെ ഇടിക്കുകയായിരുന്നു.
മേരി മാതാ എച്ച്എസ്എസിലെ വിദ്യാർഥികളാണ് മരിച്ചത്. മൃതദേഹങ്ങൾ തൃശൂരിലെ ജൂബിലി മിഷൻ ആശുപത്രിയിലേക്ക് മാറ്റി.