എഡിഎമ്മിന്റെ മരണം; ഗൂഢാലോചന അന്വേഷിക്കണമെന്ന് ആവശ്യപ്പെട്ട് ഡിജിപിക്ക് കെഎസ്യുവിന്റെ പരാതി
Friday, October 18, 2024 1:26 PM IST
തിരുവനന്തപുരം: എഡിഎം നവീന് ബാബുവിന്റെ മരണത്തിലെ ഗൂഢാലോചന അന്വേഷിക്കണമെന്ന് ആവശ്യപ്പെട്ട് ഡിജിപിക്ക് പരാതി. കെഎസ്യു സംസ്ഥാന വൈസ് പ്രസിഡന്റ് മുഹമ്മദ് ഷമ്മാസ് ആണ് പരാതി നല്കിയത്.
എഡിഎമ്മിന്റെ മരണത്തില് ഉന്നതല ഗൂഢാലോചനയുണ്ട്. സംഭവത്തില് പി.പി.ദിവ്യയുടെയും പെട്രോള് പമ്പുടമ പ്രശാന്തിന്റെയും പങ്ക് അന്വേഷിക്കണം.
മരണത്തിന് ശേഷം ദിവ്യയും പ്രശാന്തും തമ്മില് സംസാരിക്കുന്നതിന്റെ ഫോണ് രേഖകള് അടക്കം പരിശോധിക്കണമെന്നും പരാതിയില് ആവശ്യപ്പെട്ടിട്ടുണ്ട്.