ബം​ഗ​ളൂ​രു: ഇ​ന്ത്യ​യ്ക്കെ​തി​രാ​യ ഒ​ന്നാം ടെ​സ്റ്റി​ന്‍റെ ഒ​ന്നാ​മി​ന്നിം​ഗ്സി​ൽ ന്യൂ​സി​ല​ൻ​ഡ് മി​ക​ച്ച നി​ല​യി​ൽ. മൂ​ന്നാം​ദി​നം ഉ​ച്ച​ഭ​ക്ഷ​ണ​ത്തി​നു പി​രി​യു​മ്പോ​ൾ ഏ​ഴു​വി​ക്ക​റ്റ് ന​ഷ്ട​ത്തി​ൽ 345 റ​ൺ​സെ​ന്ന നി​ല​യി​ലാ​ണ് സ​ന്ദ​ർ​ശ​ക​ർ. നി​ല​വി​ൽ അ​വ​ർ​ക്ക് 299 റ​ൺ​സി​ന്‍റെ ഒ​ന്നാ​മി​ന്നിം​ഗ്സ് ലീ​ഡു​ണ്ട്. ഇ​ന്ത്യ​യു​ടെ ഒ​ന്നാ​മി​ന്നിം​ഗ്സ് 46 റ​ൺ​സി​ൽ അ​വ​സാ​നി​ച്ചി​രു​ന്നു.

ത​ക​ർ​പ്പ​ൻ സെ​ഞ്ചു​റി നേ​ടി​യ ര​ചി​ൻ ര​വീ​ന്ദ്ര​യു​ടെ മി​ക​വി​ലാ​ണ് ന്യൂ​സി​ല​ൻ​ഡ് മി​ക​ച്ച ലീ​ഡി​ലെ​ത്തി​യ​ത്. 125 പ​ന്തി​ൽ 11 ബൗ​ണ്ട​റി​ക​ളും ര​ണ്ടു സി​ക്സ​റു​മു​ൾ‌​പ്പെ​ടെ 104 റ​ൺ​സു​മാ​യി ര​ചി​ൻ ക്രീ​സി​ലു​ണ്ട്. വെ​ടി​ക്കെ​ട്ട് ബാ​റ്റിം​ഗു​മാ​യി ടിം ​സൗ​ത്തി​യാ​ണ് ഒ​പ്പ​മു​ള്ള​ത്. 50 പ​ന്തി​ൽ മൂ​ന്നു വീ​തം ബൗ​ണ്ട​റി​ക​ളും സി​ക്സ​റു​ക​ളു​മു​ൾ‌​പ്പെ​ടെ 49 റ​ൺ​സാ​ണ് സൗ​ത്തി അ​ടി​ച്ചെ​ടു​ത്ത​ത്.

അ​തേ​സ​മ​യം, കി​വീ​സ് നി​ര​യി​ൽ മ​റ്റാ​ർ​ക്കും ഇ​ന്ന് തി​ള​ങ്ങാ​നാ​യി​ല്ല. മൂ​ന്നി​ന് 180 റ​ൺ​സെ​ന്ന നി​ല​യി​ൽ മൂ​ന്നാം​ദി​നം ബാ​റ്റിം​ഗ് പു​ന​രാ​രം​ഭി​ച്ച ന്യൂ​സി​ല​ൻ​ഡി​ന് 13 റ​ൺ​സ് കൂ​ട്ടി​ച്ചേ​ർ​ക്കു​ന്ന​തി​നി​ടെ ഡാ​രി​ൽ മി​ച്ച​ലി​നെ ന​ഷ്ട​മാ​യി. 18 റ​ൺ​സെ​ടു​ത്ത മി​ച്ച​ലി​നെ ജ​യ്സ്വാ​ളി​ന്‍റെ കൈ​ക​ളി​ലെ​ത്തി​ച്ച് മു​ഹ​മ്മ​ദ് സി​റാ​ജാ​ണ് ഇ​ന്ന​ത്തെ വി​ക്ക​റ്റ് വേ​ട്ട​യ്ക്കു തു​ട​ക്ക​മി​ട്ട​ത്.

പി​ന്നാ​ലെ​യെ​ത്തി​യ ടോം ​ബ്ല​ണ്ട​ലി​നെ (അ​ഞ്ച്) ബും​റ​യും പു​റ​ത്താ​യ​തോ​ടെ അ​ഞ്ചി​ന് 204 റ​ൺ​സെ​ന്ന നി​ല​യി​ലാ​യി. ഈ​സ​മ​യം ഒ​ര​റ്റ​ത്തു പി​ടി​ച്ചു​നി​ന്ന ര​ചി​ൻ ര​വീ​ന്ദ്ര അ​ർ​ധ​സെ​ഞ്ചു​റി​യും പി​ന്നി​ട്ട് മു​ന്നേ​റു​ന്നു​ണ്ടാ​യി​രു​ന്നു. സ്കോ​ർ 223 റ​ൺ​സി​ൽ നി​ല്ക്കെ ഗ്ലെ​ൻ ഫി​ലി​പ്സി​നെ​യും (14) ത​ന്‍റെ തൊ​ട്ട​ടു​ത്ത ഓ​വ​റി​ൽ മാ​റ്റ് ഹെ​ന്‍‌​റി​യെ​യും (എ​ട്ട്) പു​റ​ത്താ​ക്കി ജ​ഡേ​ജ ഇ​ന്ത്യ​യെ ക​ളി​യി​ലേ​ക്ക് തി​രി​ച്ചു​കൊ​ണ്ടു​വ​ന്നു.

എ​ന്നാ​ൽ പി​ന്നീ​ട് ക്രീ​സി​ൽ ഒ​ന്നി​ച്ച ര​ചി​ൻ ര​വീ​ന്ദ്ര​യും ടിം ​സൗ​ത്തി​യും ചേ​ർ​ന്ന് റ​ൺ അ​ടി​ച്ചു​കൂ​ട്ടി സ്കോ​ർ​ബോ​ർ​ഡ് അ​തി​വേ​ഗം ച​ലി​പ്പി​ച്ചു. ഉ​ച്ച​ഭ​ക്ഷ​ണ​ത്തി​നു തൊ​ട്ടു​മു​മ്പ് ഇ​ന്ത്യ​ൻ വം​ശ​ജ​ൻ കൂ​ടി​യാ​യ ര​ചി​ൻ ര​വീ​ന്ദ്ര ത​ന്‍റെ ര​ണ്ടാം ടെ​സ്റ്റ് സെ​ഞ്ചു​റി കു​റി​ച്ചു. നേ​ര​ത്തെ ഫെ​ബ്രു​വ​രി​യി​ൽ ദ​ക്ഷി​ണാ​ഫ്രി​ക്ക​യ്ക്കെ​തി​രേ ത​ന്‍റെ ക​ന്നി സെ​ഞ്ചു​റി കു​റി​ച്ച ര​ചി​ൻ അ​ത് ഇ​ര​ട്ട​സെ​ഞ്ചു​റി​യാ​ക്കി (240) മാ​റ്റി​യി​രു​ന്നു.

ഇ​ന്ത്യ​യ്ക്കു വേ​ണ്ടി ര​വീ​ന്ദ്ര ജ​ഡേ​ജ മൂ​ന്നു​വി​ക്ക​റ്റും ജ​സ്പ്രീ​ത് ബും​റ, മു​ഹ​മ്മ​ദ് സി​റാ​ജ്, ര​വി​ച​ന്ദ്ര അ​ശ്വി​ൻ, കു​ൽ​ദീ​പ് യാ​ദ​വ് എ​ന്നി​വ​ർ ഓ​രോ വി​ക്ക​റ്റ് വീ​ത​വും വീ​ഴ്ത്തി.