ഖുശ്ബു വയനാട്ടില് ബിജെപി സ്ഥാനാര്ഥിയാകുമെന്ന് സൂചന
Thursday, October 17, 2024 7:54 PM IST
ന്യൂഡൽഹി : വയനാട് ഉപതെരഞ്ഞെടുപ്പില് നടി ഖുശ്ബുവിനെ എന്ഡിഎ സ്ഥാനാര്ഥിയാക്കാന് ആലോചന. ഇതു സംബന്ധിച്ച് കേന്ദ്ര നേതൃത്വം സംസ്ഥാന നേതൃത്വത്തോട് അഭിപ്രായം ആരാഞ്ഞു.
സ്ഥാനാര്ഥി നിര്ണയത്തിനുള്ള അന്തിമ പട്ടികയില് ഖുശ്ബുന്റെ പേരും ഉൾപ്പെടുത്തി എന്നാണ് സൂചന. നാല് വര്ഷം മുമ്പാണ് കോണ്ഗ്രസ് വിട്ട ഖുശ്ബു ബിജെപിയില് ചേര്ന്നത്. നിലവിൽ ബിജെപി തമിഴ്നാട് ഘടകത്തിന്റെ ഭാഗമായാണ് ഖുശ്ബു പ്രവർത്തിക്കുന്നത്.
യുഡിഎഫിനായി പ്രയങ്ക ഗാന്ധിയും എൽഡിഎഫിനായി സത്യന് മൊകേരിയും മത്സരിക്കും. രാഹുല് ഗാന്ധി രാജിവച്ചതോടെയാണ് വയനാട് ലോക്സഭാ മണ്ഡലത്തിൽ ഉപതെരഞ്ഞെടുപ്പിന് കളം ഒരുങ്ങിയത്.