ഇന്ത്യയെ എറിഞ്ഞിട്ടു; ന്യൂസിലന്ഡ് കൂറ്റൻ സ്കോറിലേക്ക്
Thursday, October 17, 2024 6:00 PM IST
ബംഗളൂരു: ഇന്ത്യൻ താരങ്ങൾ കീഴടങ്ങിയ ബംഗളൂരു ചിന്നസ്വാമി സ്റ്റേഡിയത്തിൽ തകർപ്പൻ ബാറ്റിംഗുമായി കിവീസ്. ഇന്ത്യയുടെ ഒന്നാം ഇന്നിംഗ്സ് സ്കോറായ 46 റണ്സിന് മറുപടിയായി രണ്ടാം ദിനം വെളിച്ചക്കുറവ് മൂലം നേരത്തെ കളി നിര്ത്തിയപ്പോള് ന്യൂസിലന്ഡ് 180-3 എന്ന ശക്തമായ നിലയിലാണ്.
22 റണ്സോടെ രചിന് രവീന്ദ്രയും 14 റണ്സുമായി ഡാരില് മിച്ചലും ക്രീസില്. 91 റണ്സടിച്ച ഓപ്പണര് ഡെവോണ് കോണ്വെയാണ് കിവീസിന്റെ ടോപ് സ്കോറര്. ക്യാപ്റ്റൻ ടോം ലാഥം(15) എടുത്ത് മടങ്ങി. ഇന്ത്യയ്ക്കായി അശ്വിൻ, ജഡേജ, കുല്ദീപ് യാദവ് എന്നിവർ ഓരോ വിക്കറ്റ് നേടി.
ടോസ് നേടി ബാറ്റിംഗിനിറങ്ങിയ ഇന്ത്യയെ കിവീസ് ബൗളർമാർ പിടിച്ചു കെട്ടുകയായിരുന്നു. 31.2 ഓവറിൽ വെറും 46 റൺസിന് എല്ലാവരും പുറത്തായി. 15 റൺസ് വഴങ്ങി അഞ്ചുവിക്കറ്റ് വീഴ്ത്തിയ മാറ്റ് ഹെൻറിയും 22 റൺസ് വഴങ്ങി നാലു വിക്കറ്റ് വീഴ്ത്തിയ വില്യം ഒറൂർക്കും 12 റൺസ് വഴങ്ങി എട്ട് റൺസിന് ഒരു വിക്കറ്റെടുത്ത ടിം സൗത്തിയുമാണ് ഇന്ത്യൻ ബാറ്റിംഗ് നിരയെ തകർത്തത്.