എഡിഎമ്മിന്റെ മരണം: പി.പി. ദിവ്യയ്ക്കെതിരെ കേസെടുക്കും
Thursday, October 17, 2024 12:50 PM IST
തിരുവനന്തപുരം: എഡിഎം നവീൻ ബാബുവിന്റെ മരണത്തിൽ കണ്ണൂർ ജില്ലാ പഞ്ചായത്ത് പ്രസിഡന്റ് പി.പി. ദിവ്യയ്ക്കെതിരെ കേസെടുക്കും. ആത്മഹത്യാ പ്രേരണ കുറ്റം ചുമത്തി കണ്ണൂർ പോലീസാണ് കേസെടുക്കുന്നത്.
ദിവ്യയെ പ്രതിചേർത്തുള്ള റിപ്പോർട്ട് ഇന്ന് അന്വേഷണസംഘം കോടതിയിൽ സമർപ്പിക്കും. ദിവ്യയ്ക്കെതിരെ ആത്മഹത്യാപ്രേരണാക്കുറ്റം ചുമത്താമെന്ന് പോലീസിന് നിയമോപദേശം കിട്ടിയതിന്റെ അടിസ്ഥാനത്തിലാണ് കേസെടുക്കുന്നത്.
എഡിഎം ജീവനൊടുക്കിയ സംഭവത്തിൽ നിലവിൽ അസ്വഭാവിക മരണത്തിനാണ് പോലീസ് കേസെടുത്തത്. കേസിൽ പോലീസ് ആരെയും പ്രതി ചേർത്തിരുന്നില്ല.