സരിന്റെ പ്രശ്നം പരിഹരിക്കേണ്ടത് പാർട്ടി; നേരിട്ട് കാണാൻ ശ്രമിക്കുമെന്ന് രാഹുൽ
Thursday, October 17, 2024 11:38 AM IST
പത്തനംതിട്ട: കോൺഗ്രസ് നേതാവ് പി സരിന്റെ പ്രശ്നം പരിഹരിക്കേണ്ടത് പാർട്ടിയെന്ന് പാലക്കാട്ടെ യുഡിഎഫ് സ്ഥാനാർഥി രാഹുൽ മാങ്കൂട്ടത്തിൽ. വ്യക്തികൾക്ക് സ്ഥാനാർഥി നിർണയത്തിൽ പ്രസക്തിയില്ല. പാർട്ടിയും മുന്നണിയുമാണ് സ്ഥാനാർഥികളെ നിശ്ചയിക്കുന്നതെന്ന് രാഹുൽ പ്രതികരിച്ചു.
സരിൻ പറഞ്ഞത് അദ്ദേഹത്തിന്റെ പ്രശ്നങ്ങളാണ്. അദ്ദേഹത്തിന്റെ പൊളിറ്റിക്കൽ ഇന്റഗ്രിറ്റിയെ ചോദ്യം ചെയ്യുന്നില്ല. സരിൻ ഇപ്പോഴും കോൺഗ്രസുകാരനാണ്.
പാലക്കാട് ചെന്നാൽ സരിനെ നേരിട്ട് കാണാൻ ശ്രമിക്കും. സരിൻ ഫോണിൽ ബന്ധപ്പെട്ടിരുന്നു എന്നും എല്ലാ പിന്തുണയും അറിയിച്ചെന്നും രാഹുൽ വ്യക്തമാക്കി.