നവീന് ബാബു ചേതനയറ്റ് ജന്മനാട്ടില്; കളക്ട്രേറ്റില് പൊതുദര്ശനത്തിന് വച്ചു
Thursday, October 17, 2024 10:29 AM IST
പത്തനംതിട്ട: കണ്ണൂർ ജില്ലാ പഞ്ചായത്ത് പ്രസിഡന്റ് പി.പി.ദിവ്യ പരസ്യമായി അഴിമതി ആരോപണം ഉന്നയിച്ചതിനെ തുടര്ന്ന് ജീവനൊടുക്കിയ എഡിഎം നവീന് ബാബുവിന് വിട നല്കാന് ജന്മനാട്. മൃതദേഹം പത്തനംതിട്ട കളക്ട്രേറ്റില് പൊതുദര്ശനത്തിന് വച്ചു.
സഹപ്രവര്ത്തകരും നാട്ടുകാരും അടക്കം നിരവധി പേരാണ് നവീന് യാത്രാമൊഴിയേകാന് ഇവിടെ എത്തിക്കൊണ്ടിരിക്കുന്നത്. പതിനൊന്നോടെ മൃതദേഹം മലയാലപ്പുഴ പത്തിശേരിൽ കാരുവള്ളിയിൽ വീട്ടിലെത്തിക്കും. ഉച്ചകഴിഞ്ഞ് മൂന്നിനാണ് സംസ്കാരം.
കണ്ണൂരിൽ എഡിഎമ്മായിരുന്ന നവീൻ ബാബുവിനെ ചൊവ്വാഴ്ച രാവിലെയാണ് തൂങ്ങിമരിച്ച നിലയിൽ താമസസ്ഥലത്ത് കണ്ടെത്തിയത്.