എം.എം. ലോറന്സിന്റെ മൃതദേഹം കെെമാറാനുള്ള തീരുമാനം: മകളുടെ ഹര്ജി ഇന്ന് പരിഗണിക്കും
Monday, September 30, 2024 9:12 AM IST
കൊച്ചി: സിപിഎം നേതാവ് എം.എം. ലോറന്സിന്റെ മൃതദേഹം ഏറ്റെടുക്കാനുള്ള കളമശേരി മെഡിക്കല് കോളജ് ആശുപത്രിയുടെ തീരുമാനം ചോദ്യം ചെയ്ത് ആശ ലോറന്സ് നല്കിയ ഹര്ജി ഹൈക്കോടതി ഇന്ന് പരിഗണിക്കും. ലോറന്സിന്റെ മൂന്ന് മക്കളില് ഒരാളാണ് ആശ.
മൃതദേഹം ഏറ്റെടുക്കാനുള്ള മെഡിക്കല് കോളജിന്റെ തീരുമാനം ഏകപക്ഷീയവും നിയമ വിരുദ്ധവുമാണെന്നാണ് ആശയുടെ ഹര്ജിയിലെ ആക്ഷേപം. തീരുമാനം റദ്ദാക്കണമെന്നും മൃതദേഹം വിട്ടുനല്കണമെന്നും മതാചാര പ്രകാരം സംസ്കരിക്കാന് അനുവദിക്കണമെന്നും അവര് ആവശ്യപ്പെടുന്നു.
നേരത്തെ, മകനായ എം.എല്. സജീവന്റെയും രണ്ട് ബന്ധുക്കളുടെയും സത്യവാംഗ്മൂലം പരിഗണിച്ചായിരുന്നു മൃതദേഹം പഠനത്തിനായി ഏറ്റെടുക്കാനും എംബാം ചെയ്ത് സൂക്ഷിക്കാനുമുള്ള മെഡിക്കല് കോളജ് ആശുപത്രിയുടെ തീരുമാനം. കേരള അനാട്ടമി ആക്ട് പ്രകാരമായിരുന്നു തീരുമാനം.