കൊച്ചിയില് ബൈക്ക് പോസ്റ്റിലിടിച്ച് അപകടം; രണ്ട് പേര് മരിച്ചു
Sunday, September 29, 2024 8:44 AM IST
കൊച്ചി: തേവരയില് ബൈക്ക് പോസ്റ്റിലിടിച്ചുണ്ടായ അപകടത്തില് രണ്ട് പേര് മരിച്ചു. തേവര സ്വദേശി സൂഫിയാന്, ഭാര്യാസഹോദരി മീനാക്ഷി എന്നിവരാണ് മരിച്ചത്.
ലൂര്ദ് പള്ളിക്ക് സമീപമുള്ള ഇലക്ട്രിക് പോസ്റ്റിലേക്ക് ബൈക്ക് ഇടിച്ചുകയറുകയായിരുന്നു. സംഭവസ്ഥലത്തുവച്ച് തന്നെ ഇരുവരും മരിച്ചു.
സൂഫിയാന്റെ മകന്റെ പേരിടല് ചടങ്ങിനിടെ പുറത്തുപോയതാണ് ഇരുവരും. ഐസ്ക്രീം തീര്ന്നപ്പോള് ഇതു വാങ്ങാന് പോകുന്നതിനിടെയാണ് അപകടം. മൃതദേഹങ്ങള് ജനറല് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.