ബം​ഗ​ളൂ​രു: മു​ഡ ഭൂ​മി കും​ഭ​കോ​ണ​വു​മാ​യി ബ​ന്ധ​പ്പെ​ട്ട് ക​ര്‍​ണാ​ട​ക മു​ഖ്യ​മ​ന്ത്രി സി​ദ്ധ​രാ​മ​യ്യ​യ്‌​ക്കെ​തി​രെ കേ​സെ​ടു​ത്ത് ലോ​കാ​യു​ക്ത. സി​ദ്ധ​രാ​മ​യ്യ​യ്‌​ക്കെ​തി​രെ അ​ന്വേ​ഷ​ണം ന​ട​ത്തി മൂ​ന്നു മാ​സ​ത്തി​ന​കം റി​പ്പോ​ർ​ട്ട് സ​മ​ർ​പ്പി​ക്കാ​ൻ ജ​ന​പ്ര​തി​നി​ധി​ക​ളു​ടെ പ്ര​ത്യേ​ക കോ​ട​തി ക​ഴി​ഞ്ഞ ദി​വ​സം നി​ർ​ദേ​ശം ന​ൽ​കി​യി​രു​ന്നു.

അ​ഴി​മ​തി നി​രോ​ധ​ന നി​യ​മ​പ്ര​കാ​രം മു​ഖ്യ​മ​ന്ത്രി​ക്കെ​തി​രെ അ​ന്വേ​ഷ​ണം ന​ട​ത്താ​മെ​ന്നു ഹൈ​ക്കോ​ട​തി സിം​ഗി​ൾ ബെ​ഞ്ചും വി​ധി​ച്ചി​രു​ന്നു. എ​ഫ്‌​ഐ​ആ​റി​ല്‍ സി​ദ്ധ​രാ​മ​യ്യ​യാ​ണ് ഒ​ന്നാം പ്ര​തി. സി​ദ്ധ​രാ​മ​യ്യ​യു​ടെ ഭാ​ര്യ പാ​ര്‍​വ​തി, ഭാ​ര്യാ സ​ഹോ​ദ​ര​ന്‍ മ​ല്ലി​കാ​ര്‍​ജു​ന്‍ സ്വാ​മി, വി​വാ​ദ ഭൂ​മി ഉ​ട​മ ദേ​വ​രാ​ജ് എ​ന്നി​വ​രേ​യും എ​ഫ്‌​ഐ​ആ​റി​ല്‍ പ്ര​തി​ചേ​ര്‍​ത്തു.

ഭൂ​മി കും​ഭ​കോ​ണ​വു​മാ​യി ബ​ന്ധ​പ്പെ​ട്ട് സി​ദ്ധ​രാ​മ​യ്യ​യ്‌​ക്കെ​തി​രെ സാ​മൂ​ഹ്യ പ്ര​വ​ര്‍​ത്ത​ക​നാ​യ സ്‌​നേ​ഹ​മ​യി കൃ​ഷ്ണ, വി​വ​രാ​വ​കാ​ശ പ്ര​വ​ര്‍​ത്ത​ക​ന്‍ ടി.ജെ.ഏ​ബ്ര​ഹാം, എ​സ്.​പി.​പ്ര​ദീ​പ് കു​മാ​ര്‍ എ​ന്നി​വ​രാ​ണ് പ​രാ​തി ന​ല്‍​കി​യ​ത്. ഇ​തി​ന്‍റെ അ​ടി​സ്ഥാ​ന​ത്തി​ല്‍ ഇ​ക്ക​ഴി​ഞ്ഞ ജൂ​ലൈ​യി​ല്‍ സി​ദ്ധ​രാ​മ​യ്യ​യ്‌​ക്കെ​തി​രെ ഗ​വ​ര്‍​ണ​ര്‍ അ​ന്വേ​ഷ​ണ​ത്തി​ന് അ​നു​മ​തി ന​ല്‍​കി​യി​രു​ന്നു.

ഇ​തി​നെ​തി​രെ സി​ദ്ധ​രാ​മ​യ്യ ക​ര്‍​ണാ​ട​ക ഹൈ​ക്കോ​ട​തി​യെ സ​മീ​പി​ച്ചു. എ​ന്നാ​ല്‍ ഗ​വ​ര്‍​ണ​റു​ടെ ന​ട​പ​ടി ഹൈ​ക്കോ​ട​തി ശ​രി​വ​യ്ക്കു​ക​യാ​യി​രു​ന്നു. ഇ​തി​ന് പി​ന്നാ​ലെ​യാ​ണ് സി​ദ്ധ​രാ​മ​യ്യ​ക്കെ​തി​രെ കേ​സെ​ടു​ക്കാ​ന്‍ ക​ര്‍​ണാ​ട​ക​യി​ലെ പ്ര​ത്യേ​ക കോ​ട​തി ലോ​കാ​യു​ക്ത​യ്ക്ക് നി​ര്‍​ദേ​ശം ന​ല്‍​കി​യ​ത്.

ക​ർ​ണാ​ട​ക​യി​ൽ ബി​ജെ​പി സ​ർ​ക്കാ​ർ ഭ​രി​ക്കു​ന്ന കാ​ല​ത്ത് 2022 ജ​നു​വ​രി 25നു ​ന​ട​ന്ന ഭൂ​മി കൈ​മാ​റ്റ​ത്തെ​ച്ചൊ​ല്ലി​യാ​ണ് വി​വാ​ദം. സി​ദ്ധ​രാ​മ​യ്യ​യു​ടെ ഭാ​ര്യ പാ​ർ​വ​തി​ക്കു മൈ​സൂ​രു ന​ഗ​ര വി​ക​സ​ന അ​ഥോ​റി​റ്റി 14 പ്ലോ​ട്ടു​ക​ൾ അ​നു​വ​ദി​ച്ച​തി​ൽ 55.8 കോ​ടി രൂ​പ​യു​ടെ ക്ര​മ​ക്കേ​ട് ന​ട​ന്നെ​ന്നാ​ണ് ആ​രോ​പ​ണം.