ഇടിച്ചിട്ട സ്കൂട്ടറുമായി ലോറി സഞ്ചരിച്ചത് എട്ടു കിലോമീറ്റർ
Tuesday, September 24, 2024 9:30 PM IST
കോട്ടയം: സ്കൂട്ടറും ടോസ് ലോറിയും കൂട്ടിയിടിച്ചുണ്ടായ അപകടത്തിൽ രണ്ടു യുവാക്കൾക്ക് പരിക്ക്. പാലാ ബൈപ്പാസിൽ തിങ്കളാഴ്ച രാത്രി 12 നായിരുന്നു സംഭവം.
ഇടിക്കുപിന്നാലെ ലോറിക്കടിയിൽ കുരുങ്ങിയ സ്കൂട്ടറുമായി എട്ടുകിലോമീറ്ററോളം ഓടിയ ലോറി മരങ്ങാട്ടുപള്ളിക്ക് സമീപത്ത് വൈദ്യുതി തൂണിൽ ഇടിച്ചു നിൽക്കുകയായിരുന്നു.
അപകടത്തിൽ മേവട സ്വദേശികളായ അലൻ കുര്യൻ(26), നോബി (25) എന്നിവർക്കാണ് പരിക്കേറ്റത്. ഇടിയുടെ ആഘാതത്തിൽ യുവാക്കൾ റോഡിലേക്ക് തെറിച്ചുവീണു.
ഗുരുതരമായി പരിക്കേറ്റ ഇവരെ ആശുപത്രിയിൽ പ്രവേശിപ്പിച്ചു. അപകട സ്ഥലത്തു നിന്ന് ഓടിരക്ഷപ്പെട്ട ഡ്രൈവർക്കെതിരെ പോലീസ് കേസെടുത്തു. ലോറിയിൽനിന്നു മദ്യക്കുപ്പികൾ കണ്ടെത്തിയതായി നാട്ടുകാർ പറഞ്ഞു.