കര്ക്കിടക വാവ്; ഇന്നും നാളെയും കൊച്ചി മെട്രോ സർവീസ് ദീർഘിപ്പിച്ചു
Friday, August 2, 2024 7:43 AM IST
എറണാകുളം: ഇന്നും നാളെയും കൊച്ചി മെട്രോ സർവീസുകൾ ദീർഘിപ്പിച്ചു. കർക്കിടക വാവ് കണക്കിലെടുത്താണ് സർവീസ് ദീർഘിപ്പിച്ചത്.
തൃപ്പൂണിത്തുറയിൽ നിന്ന് ആലുവയിലേക്ക് രാത്രി 11 നും 11.30 നും അധിക സർവീസ് ഉണ്ടായിരിക്കുന്നതാണ്. ശനിയാഴ്ച ആലുവയിൽ നിന്ന് തൃപ്പൂണിത്തുറയിലേക്ക് രാവിലെ അഞ്ചിനും 5.30 നും അധിക സർവീസ് ഉണ്ടായിരിക്കും.
കർക്കടക വാവിന് ആലുവയിലേക്ക് എത്തുന്ന ആളുകളുടെ തിരക്ക് കണക്കിലെടുത്താണ് സർവീസുകൾ ക്രമപ്പെടുത്തിയിരിക്കുന്നത്. ആയിരക്കണക്കിന് ആളുകളാണ് ബലിതർപ്പണത്തിനായി കർക്കടക വാവ് ദിവസം ആലുവ ശിവ ക്ഷേത്രത്തിൽ എത്തുന്നത്.