തിരുവനന്തപുരത്ത് വൃദ്ധമാതാവും മകളും മരിച്ച നിലയില്
Saturday, July 6, 2024 1:10 PM IST
തിരുവനന്തപുരം: പാലോട് ചെല്ലഞ്ചിയില് വൃദ്ധമാതാവും മകളും മരിച്ച നിലയില്. ചെല്ലഞ്ചി ഗീതാലയത്തില് സുപ്രഭ(88), മകള് ഗീത(59) എന്നിവരാണ് മരിച്ചത്. ഇരുവരും അമിതമായി ഗുളിക കഴിച്ചതാണ് മരണകാരണമെന്നാണ് പ്രാഥമിക നിഗമനം.
ഇന്ന് രാവിലെ എട്ടരയോടെയാണ് വീടിനുള്ളില് അമ്മയെയും മകളെയും മരിച്ച നിലയില് കണ്ടെത്തുന്നത്. കഴിഞ്ഞ ദിവസം 12 സെന്റ് വസ്തുവുമായി ബന്ധപ്പെട്ട ഒരു സിവില് കേസില് ഇവർക്ക് പ്രതികൂല വിധിയുണ്ടായിരുന്നു.
ഇതിന് ശേഷം ഇവര്ക്ക് മാനസിക സമ്മര്ദം ഉണ്ടായിരുന്നെന്നും ഇതാകാം ജീവനൊടുക്കാന് കാരണമെന്നും ബന്ധുക്കള് പറഞ്ഞു. പാലോട് പോലീസ് സ്ഥലത്തെത്തി മേല്നടപടികള് സ്വീകരിച്ചുവരികയാണ്.