എടവനക്കാട്ടെ കടലാക്രമണ മേഖല സന്ദര്ശിച്ച് പ്രതിപക്ഷ നേതാവ്
Saturday, July 6, 2024 10:00 AM IST
കൊച്ചി: എടവനക്കാട് കടലാക്രമണം നടന്ന മേഖലകള് സന്ദര്ശിച്ച് പ്രതിപക്ഷ നേതാവ് വി.ഡി.സതീശന്. ഹൈബി ഈഡന് എംപി അടക്കമുള്ള നേതാക്കള്ക്കൊപ്പമാണ് സതീശന് സ്ഥലത്തെത്തിയത്.
ചെറിയ കടലാക്രമണം ഉണ്ടായാല് പോലും മേഖലയിലെ 150 ഓളം വീടുകളില് വെള്ളം കയറും. ഇവിടെ താമസിക്കുന്ന ആളുകള് പ്രതിപക്ഷ നേതാവിനെക്കണ്ട് പരാതി അറിയിച്ചു.
ചെല്ലാനത്ത് അടക്കം നിര്മിച്ച് വിജയിച്ച ടെട്രാപോഡ് എടവനക്കാട് ഇതുവരെ സ്ഥാപിക്കാനായിട്ടില്ല. ഇതിന് ഫണ്ട് വന്നിട്ടും നിര്മാണപ്രവര്ത്തനങ്ങള് ആരംഭിച്ചില്ലെന്ന് പ്രദേശവാസികള് ആരോപിച്ചു. താത്ക്കാലിക പരിഹാരം എന്ന നിലയില് ജിയോ ഭാഗുകള് നിറച്ച് കടലാക്രമണം തടയുകയാണ് നിലവില് ചെയ്യുന്നത്.