പാലക്കാട് മധ്യവയസ്കനെ തൂങ്ങി മരിച്ചനിലയിൽ കണ്ടെത്തി
Saturday, June 15, 2024 1:18 AM IST
പാലക്കാട്: മധ്യവയസ്കനെ തൂങ്ങി മരിച്ചനിലയിൽ കണ്ടെത്തി. പാലക്കാട് കൂറ്റനാട് നാഗലശേരി പഞ്ചായത്തിലെ പിലാക്കാട്ടിരി സ്കൂളിന് സമീപമാണ് സംഭവം. മലപ്പുറം പെരുമ്പടപ്പ് സ്വദേശി വിരുതിയിൽ വീട്ടിൽ ബാബു (54) ആണ് മരിച്ചത്.
മലപ്പുറം സ്വദേശിയായ ഇയാൾക്ക് പിലാക്കാട്ടിരിയിൽ സ്ഥലമുണ്ട്. ഇവിടെ ചക്ക ഇടാൻ എന്ന പേരിൽ എത്തിയതായിരുന്നു.
തുടർന്ന് വൈകുന്നേരം ഏഴോടെയാണ് ഇയാളെ മരത്തിൽ തൂങ്ങി മരിച്ചനിലയിൽ കണ്ടെത്തിയത്. മൃതദേഹം പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകി.