യുപിയില്‍ ഇപ്പോള്‍ തെരഞ്ഞെടുപ്പ് നടന്നാല്‍ എസ്പി സര്‍ക്കാരുണ്ടാക്കും:ശിവ്പാല്‍ യാദവ് |

Click here for detailed news of all items

യുപിയില്‍ ഇപ്പോള്‍ തെരഞ്ഞെടുപ്പ് നടന്നാല്‍ എസ്പി സര്‍ക്കാരുണ്ടാക്കും:ശിവ്പാല്‍ യാദവ്

Thursday, June 6, 2024 2:45 PM IST

ലക്‌നോ: ലോക്‌സഭാ തെരഞ്ഞെടുപ്പില്‍ ഉത്തര്‍പ്രദേശില്‍ മിന്നും പ്രകടനം നടത്തിയതിന് പിന്നാലെ അവകാശവാദവുമായി സമാജ് വാദി പാര്‍ട്ടി നേതാവ് ശിവ്പാല്‍ യാദവ്. ഇപ്പോള്‍ സംസ്ഥാന നിയമസഭയിലേക്ക് തെരഞ്ഞെടുപ്പ് നടക്കുകയാണെങ്കില്‍ സമാജ് വാദി പാര്‍ട്ടി വിജയിക്കുമെന്നാണ് അദ്ദേഹം പ്രതികരിച്ചത്. നല്ല ഭൂരിപക്ഷത്തോടെ സര്‍ക്കാര്‍ രൂപീകരിക്കാനാകുമെന്നും പറഞ്ഞു.

ലോക്‌സഭാ തെരഞ്ഞെടുപ്പിലേറ്റ തിരിച്ചടിയുടെ പശ്ചാത്തലത്തില്‍ സംസ്ഥാനത്തെ ബിജെപി സര്‍ക്കാര്‍ രാജിവയ്ക്കണമെന്നും ശിവ്പാല്‍ യാദവ് ആവശ്യപ്പെട്ടു. അഖിലേഷ് യാദവിന്‍റെ നേതൃത്വത്തില്‍ മികച്ച നേട്ടമാണ് എസ്പി കൈവരിച്ചിരിക്കുന്നത്. 37 സീറ്റുകളാണ് എസ്പി നേടിയിരിക്കുന്നതെന്നും ബിജെപിക്ക് 33 സീറ്റുകളില്‍ മാത്രമേ വിജയിക്കാന്‍ സാധിച്ചുള്ളുവെന്നും എസ്പി നേതാവ് പറഞ്ഞു.

സമാജ് വാദി പാര്‍ട്ടിക്ക് പുറമെ ഇന്ത്യ സഖ്യത്തിലെ കക്ഷിയായ കോണ്‍ഗ്രസും സംസ്ഥാനത്ത് നേട്ടമുണ്ടാക്കി. കഴിഞ്ഞ തവണ ഒരു സീറ്റില്‍ ഒതുങ്ങിയ പാര്‍ട്ടി ഇത്തവണ ആറ് സീറ്റുകളിലാണ് വിജയിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.