കൊ​ച്ചി: കി​ഫ്ബി മ​സാ​ല ബോ​ണ്ടി​ലെ ഫെ​മ നി​യ​മ ലം​ഘ​ന​വു​മാ​യി ബ​ന്ധ​പ്പെ​ട്ട് ഇ​ഡി അ​യ​ച്ച സ​മ​ന്‍​സ് ചോ​ദ്യം ചെ​യ്തു​ള്ള ഹ​ര്‍​ജി ഹൈ​ക്കോ​ട​തി ഇ​ന്ന് പ​രി​ഗ​ണി​ക്കും. മുൻ ​ധ​ന​കാ​ര്യ മ​ന്ത്രി ഡോ. ​ടി.​എം. തോ​മ​സ് ഐ​സ​ക്കിന്‍റെ​യും കി​ഫ്ബി​യു​ടെ​യും ഹ​ര്‍​ജി​ക​ളാ​ണ് കോ​ട​തി പ​രി​ഗ​ണി​ക്കു​ന്ന​ത്. ജ​സ്റ്റീ​സ് ടി.​ആ​ര്‍. ര​വി അ​ധ്യ​ക്ഷ​നാ​യ സിം​ഗി​ള്‍ ബെ​ഞ്ചിന്‍റെ മുന്നിലാണ് ഹ​ര്‍​ജി​ എത്തുന്നത്.

കി​ഫ്ബി പു​റ​പ്പെ​ടു​വി​ച്ച മ​സാ​ല ബോ​ണ്ടി​ലെ ഫെ​മ നി​യ​മ​ലം​ഘ​നം സം​ബ​ന്ധി​ച്ച് തോ​മ​സ് ഐ​സ​ക്കി​ന് അ​റി​യാ​മാ​യി​രു​ന്നു എ​ന്നാ​ണ് ഇ​ഡി​യു​ടെ വാ​ദം. ഇ​ക്കാ​ര്യ​ത്തി​ല്‍ തെ​ളി​വു​ക​ളു​ണ്ട്. തോ​മ​സ് ഐ​സ​ക്കി​നെ ചോ​ദ്യംചെ​യ്താ​ല്‍ മാ​ത്ര​മേ വ്യ​ക്ത​ത വ​രൂ​ എന്നാണ് ഇ​ഡി​യു​ടെ പ​ക്ഷം.

എ​ന്നാ​ല്‍ ഫെ​മ നി​യ​മ ലം​ഘ​നം അ​ന്വേ​ഷി​ക്കാ​ന്‍ ഇ​ഡി​ക്ക് അ​ധി​കാ​ര​മി​ല്ലെ​ന്നാ​ണ് തോ​മ​സ് ഐ​സ​ക്ക് ചൂ​ണ്ടി​ക്കാ​ട്ടു​ന്ന​ത്. മ​ന്ത്രി​യാ​യി​രു​ന്ന​ത് മൂ​ന്ന് വ​ര്‍​ഷം മു​ന്‍​പാ​ണെ​ന്നും കി​ഫ്ബി​യു​ടെ തീ​രു​മാ​ന​ങ്ങ​ളെ കു​റി​ച്ച് കൂ​ടു​ത​ല്‍ ഒ​ന്നും പ​റ​യാ​നി​ല്ലെ​ന്നാ​യി​രു​ന്നു തോ​മ​സ് ഐ​സ​ക്കി​ന്‍റെ വാ​ദം.

ഫെ​മ നി​യ​മ​ലം​ഘ​ന​ത്തി​ല്‍ അ​ന്വേ​ഷ​ണം ന​ട​ത്താ​ന്‍ ഇ​ഡി​ക്ക് അ​ധി​കാ​ര​മി​ല്ലെ​ന്നും ഹ​ര്‍​ജി​യി​ല്‍ പ​റ​യു​ന്നു. ആ​വ​ശ്യ​പ്പെ​ട്ട രേ​ഖ​ക​ളു​ടെ പ​ക​ര്‍​പ്പ് കൈ​മാ​റി​യെ​ന്നാ​ണ് കി​ഫ്ബി​യു​ടെ വി​ശ​ദീ​ക​ര​ണം.

നേ​ര​ത്തെ, തെ​ര​ഞ്ഞെ​ടു​പ്പ് കാ​ല​ത്ത് തോ​മ​സ് ഐ​സ​ക്കി​നെ ചോ​ദ്യം​ചെ​യ്യു​ന്ന​ത് ഹൈ​ക്കോ​ട​തി ത​ട​ഞ്ഞി​രു​ന്നു. ചോ​ദ്യം ചെ​യ്യ​ണ​മെ​ങ്കി​ല്‍ തെര​ഞ്ഞെ​ടു​പ്പ് ക​ഴി​യ​ട്ടെ​യെ​ന്നാ​യി​രു​ന്നു കോ​ട​തി വ്യ​ക്ത​മാ​ക്കി​യ​ത്. ഇ​ത് ചോ​ദ്യംചെ​യ്ത് ഇ​ഡി ഡി​വി​ഷ​ന്‍ ബെ​ഞ്ചി​നെ സ​മീ​പി​ച്ചെങ്കി​ലും തി​രി​ച്ച​ടി​യാ​യി​രു​ന്നു ഫ​ലം. ഇ​തി​ന് ശേ​ഷം ആ​ദ്യ​മാ​യാ​ണ് ഹ​ര്‍​ജി വീ​ണ്ടും സിം​ഗി​ള്‍ ബെ​ഞ്ചി​ന് മു​ന്നി​ല്‍ എ​ത്തു​ന്ന​ത്.