മറയൂരില് കാലില് കയര് കുരുങ്ങിയ ആനയെ മയക്കുവെടി വയ്ക്കും
Tuesday, May 28, 2024 9:59 AM IST
ഇടുക്കി: മറയൂരില് കാലില് കയര് കുരുങ്ങിയ ആനയെ മയക്കുവെടി വയ്ക്കും. കയര് നീക്കം ചെയ്യുന്നതിനും ചികിത്സയ്ക്കുമായാണ് മയക്കുവെടി വയ്ക്കുക.
കേരള തമിഴ്നാട് അതിര്ത്തിയില് കാന്തല്ലൂര് പേരടി പള്ളം ഭാഗത്ത് കാട്ടിനുള്ളിലാണ് ആന ഇപ്പോഴുള്ളത്. അനുകൂലമായ ഒരു സ്ഥലത്തെത്തിച്ച ശേഷം മയക്കുവെടി വയ്ക്കും. കാലിലെ മുറിവ് ഭേദമായ ശേഷം ആനയെ കാട്ടിലേക്ക് തുറന്നുവിടും.
കഴിഞ്ഞ ദിവസം തമിഴ്നാട്ടില്നിന്ന് കേരള അതിര്ത്തിയിലെത്തിയപ്പോഴാണ് ആനയ്ക്ക് നടക്കാന് അല്പ്പം ബുദ്ധിമുട്ടുള്ളതായി വനംവകുപ്പ് ഉദ്യോഗസ്ഥര് ശ്രദ്ധിച്ചത്. തുടര്ന്ന് നടത്തിയ പരിശോധനയിലാണ് കാലില് പ്ലാസ്റ്റിക് കയര് കുരുങ്ങിയതായി മനസിലാക്കിയത്.