പാർക്കിംഗിനെ ചൊല്ലി തർക്കം; യുവാവിനെ കാറിടിച്ച് കൊല്ലാൻ ശ്രമിച്ചതായി പരാതി
Tuesday, May 28, 2024 6:42 AM IST
ഇടുക്കി: കാറിന് പിന്നിൽ ബൈക്ക് പാർക്ക് ചെയ്തതതുമായി ബന്ധപ്പെട്ട തർക്കത്തെ തുടർന്ന് യുവാവിനെ വാഹനം ഇടിച്ച് കൊല്ലാൻ ശ്രമിച്ചതായി പരാതി. ഞായറാഴ്ച രാത്രി പത്തിനാണ് സംഭവം.
കട്ടപ്പന സ്വദേശി കാരിയിൽ ക്രിസ്റ്റോ മാത്യുവാണ് പരാതി നൽകിയത്. കൽത്തൊട്ടി സ്വദേശി ജസ്റ്റിനെതിരെ കട്ടപ്പന പോലീസ് കേസെടുത്തിട്ടുണ്ട്. എന്നാല് ഇയാള് ഒളിവിലാണ്.
കട്ടപ്പനയിലെ ഒരു ബാറില് നിർത്തിയിട്ടിരിക്കുകയായിരുന്നു ജസ്റ്റിനും സുഹൃത്തുക്കളും വന്ന കാര്. ഇതിന് പിന്നിലായി ക്രിസ്റ്റോ ബൈക്ക് പാര്ക്ക് ചെയ്യുകയായിരുന്നു. തുടർന്ന് ഇരുവരും തമ്മിൽ വാക്കുതർക്കമുണ്ടാകുകയായിരുന്നു.
പിന്നീട് ക്രിസ്റ്റോ വീട്ടിലേക്ക് മടങ്ങും വഴി ജസ്റ്റിൻ കാർഇടിച്ച് വീഴ്ത്തിയെന്നാണ് പരാതി. പരിക്കേറ്റ ക്രിസ്റ്റോ മാത്യു എറണാകുളത്തെ സ്വകാര്യ ആശുപത്രിയിൽ ചികിത്സയിലാണ്.