മന്ത്രിമാര്‍ പറഞ്ഞത് പച്ചക്കള്ളം, മദ്യനയത്തിൽ ചർച്ച നടത്താൻ ടൂറിസം വകുപ്പ് യോഗം വിളിച്ചു: സതീശന്‍ |

Click here for detailed news of all items

മന്ത്രിമാര്‍ പറഞ്ഞത് പച്ചക്കള്ളം, മദ്യനയത്തിൽ ചർച്ച നടത്താൻ ടൂറിസം വകുപ്പ് യോഗം വിളിച്ചു: സതീശന്‍

Sunday, May 26, 2024 12:03 PM IST

കൊച്ചി: എല്‍ഡിഎഫ് സര്‍ക്കാരിനെതിരായ ബാര്‍ കോഴ ആരോപണത്തില്‍ രൂക്ഷ വിമര്‍ശനവുമായി പ്രതിപക്ഷ നേതാവ് വി.ഡി.സതീശന്‍. മദ്യനയത്തില്‍ ചര്‍ച്ച നടന്നില്ലെന്ന മന്ത്രിമാരുടെ പ്രസ്താവന പച്ചക്കള്ളമെന്ന് സതീശന്‍ വിമര്‍ശിച്ചു.

മദ്യനയത്തിൽ ചർച്ച നടത്താൻ കഴിഞ്ഞ ചൊവ്വാഴ്ച ടൂറിസം വകുപ്പ് ഓണ്‍ലൈനായി വിളിച്ച യോഗത്തില്‍ ബാറുടമകള്‍ പങ്കെടുത്തിട്ടുണ്ട്. ഇതിന്‍റെ തെളിവ് തന്‍റെ കൈവശം ഉണ്ടെന്നും സതീശന്‍ പറഞ്ഞു.

അന്നത്തെ യോഗത്തില്‍ ഡ്രൈഡേ മാറ്റുന്നതിനെക്കുറിച്ചും ബാറിന്‍റെ സമയപരിധി വര്‍ധിപ്പിക്കുന്നതിനെക്കുറിച്ചും ചര്‍ച്ച നടന്നിട്ടുണ്ട്. ഇതിന് തുടര്‍ച്ചയായാണ് പണപ്പിരിവിന് നിര്‍ദേശം നല്‍കിയതെന്നും സതീശന്‍ ആരോപിച്ചു. ഇത് അടക്കം മദ്യനയം ചർച്ച ചെയ്യാൻ മൂന്ന് യോഗങ്ങൾ നടന്നെന്ന് സതീശൻ കൂട്ടിച്ചേർത്തു.

സര്‍ക്കാരിനോട് ആറ് ചോദ്യങ്ങളും സതീശന്‍ ചോദിച്ചു. മദ്യനയം രൂപീകരിക്കുന്നതില്‍ ടൂറിസം വകുപ്പ് എക്‌സൈസ് വകുപ്പിനെ മറികടന്ന് ഇടപെട്ടത് എന്തിനാണ്? ടൂറിസം വകുപ്പ് അനാവശ്യമായ തിടുക്കം കാണിച്ചത് എന്തിനാണ്? ഒരു ചര്‍ച്ചയും ഇക്കാര്യത്തില്‍ നടന്നിട്ടില്ലെന്ന് മന്ത്രിമാര്‍ കള്ളം പറഞ്ഞത് എന്തിന്? എക്‌സൈസ് മന്ത്രി ഡിജിപിക്ക് പരാതി നല്‍കിയത് അഴിമതി മറച്ചുപിടിക്കാനാണോ? കെ.എം മാണിക്കെതിരേ ആരോപണം വന്നപ്പോള്‍ വിജിലന്‍സ് അന്വേഷണം പ്രഖ്യാപിച്ച ഉമ്മന്‍ ചാണ്ടി സര്‍ക്കാരിന്‍റെ മാതൃക എന്തുകൊണ്ട് പിന്തുടരുന്നില്ല? മുഖ്യമന്ത്രി മൗനം പാലിക്കുന്നത് എന്തിനാണ്? എന്നീ ചോദ്യങ്ങളാണ് സതീശൻ ഉന്നയിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.