കൊ​ച്ചി: പൂ​ക്കോ​ട് വെ​റ്റ​റി​ന​റി സ​ര്‍​വ​ക​ലാ​ശാ​ല വി​ദ്യാ​ർ​ഥി സി​ദ്ധാ​ര്‍​ഥ​ന്‍റെ മ​ര​ണ​ത്തി​ല്‍ ര​ജി​സ്റ്റ​ര്‍ ചെ​യ്ത കേ​സി​ലെ ഏ​ഴു പ്ര​തി​ക​ളു​ടെ ജാ​മ്യാ​പേ​ക്ഷ ഹൈ​ക്കോ​ട​തി ഇ​ന്നു പ​രി​ഗ​ണി​ക്കും. റാ​ഗിം​ഗ്, ആ​ത്മ​ഹ​ത്യാ​പ്രേ​ര​ണ, മ​ര്‍​ദ​നം, ഗൂ​ഢാ​ലോ​ച​ന തു​ട​ങ്ങി​യ കു​റ്റ​ങ്ങ​ള്‍ ചു​മ​ത്തി ത​ങ്ങ​ള്‍​ക്കെ​തി​രേ ര​ജി​സ്റ്റ​ര്‍ ചെ​യ്ത കേ​സി​ല്‍ ജാ​മ്യം അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ടാ​ണ് ഹ​ർ​ജി.

ജാ​മ്യാ​പേ​ക്ഷ​യി​ല്‍ സി​ബി​ഐ ഇ​ന്നു നി​ല​പാ​ട് അ​റി​യി​ക്കും. പ്ര​തി​ക​ളു​ടെ അ​ഭി​ഭാ​ഷ​ക​ര്‍​ക്ക് കു​റ്റ​പ​ത്ര​ത്തി​ന്‍റെ പ​ക​ര്‍​പ്പ് ന​ല്‍​കി​യോ എ​ന്ന കാ​ര്യ​ത്തി​ലും സി​ബി​ഐ മ​റു​പ​ടി ന​ല്‍​കും.

അ​തേ​സ​മ​യം, കേ​സി​ലെ പ്ര​തി​ക​ളു​ടെ ജാ​മ്യാ​പേ​ക്ഷ​യെ എ​തി​ര്‍​ത്ത് സി​ദ്ധാ​ര്‍​ഥ​ന്‍റെ അ​മ്മ ഷീ​ബ ന​ല്‍​കി​യ ഹ​ര്‍​ജി​യും ഹൈ​ക്കോ​ട​തി ഇ​ന്നു പ​രി​ഗ​ണി​ക്കും. മ​ക​ന്‍റെ മ​ര​ണ​കാ​ര​ണം ഇ​പ്പോ​ഴും വ്യ​ക്ത​മ​ല്ലെ​ന്നാ​ണ് ഉ​പ​ഹ​ര്‍​ജി​യി​ലെ ആ​ക്ഷേ​പം.

സി​ബി​ഐ സ​മ​ര്‍​പ്പി​ച്ച അ​ന്തി​മ റി​പ്പോ​ര്‍​ട്ടി​ലൂ​ടെ സി​ദ്ധാ​ര്‍​ഥ​ന്‍റെ മ​ര​ണ​ത്തി​ല്‍ പ്ര​തി​ക​ളു​ടെ പ​ങ്കു വ്യ​ക്ത​മാ​ണ്. റാ​ഗിം​ഗ് അ​ട​ക്കം അ​തി​ക്രൂ​ര​മാ​യ ആ​ക്ര​മ​ണ​മാ​ണ് മ​ക​ന് നേ​രി​ടേ​ണ്ടി​വ​ന്ന​ത്. വൈ​ദ്യ​സ​ഹാ​യം ന​ല്‍​കാ​ന്‍ പോ​ലും പ്ര​തി​ക​ള്‍ ത​യാ​റാ​യി​ല്ല. മ​ര​ണ​കാ​ര​ണം പൂ​ര്‍​ണ​മാ​യും ഇ​പ്പോ​ഴും വ്യ​ക്ത​മാ​യി​ട്ടി​ല്ല. അ​തു ക​ണ്ടെ​ത്തേ​ണ്ട​തു​ണ്ട്. തു​ട​ര​ന്വേ​ഷ​ണം വേ​ണ്ട​തു​ണ്ടെ​ന്ന് സി​ബി​ഐ റി​പ്പോ​ര്‍​ട്ടി​ലൂ​ടെ വ്യ​ക്ത​മാ​ണെ​ന്നും അ​മ്മ​യു​ടെ ഹ​ര്‍​ജി​യി​ല്‍ പ​റ​യു​ന്നു.

ഫെ​ബ്രു​വ​രി 18ന് ​ഉ​ച്ച​യോ​ടെ​യാ​ണ് സി​ദ്ധാ​ര്‍​ഥ​നെ ഹോ​സ്റ്റ​ലി​ലെ ശു​ചി​മു​റി​യി​ല്‍ മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്. കാ​മ്പ​സി​ലെ ക്രൂ​ര​റാ​ഗിം​ഗി​നെ തു​ട​ര്‍​ന്നാ​ണ് സി​ദ്ധാ​ർ​ഥ് മ​ര​ണ​പ്പെ​ട്ട​തെ​ന്നാ​ണ് പ​രാ​തി. സി​ദ്ധാ​ർ​ഥ​ന്‍റെ കു​ടും​ബ​ത്തി​ന്‍റെ ആ​വ​ശ്യ​ത്തി​ന് പി​ന്നാ​ലെ​യാ​ണ് കേ​സ് സി​ബി​ഐ ഏ​റ്റെ​ടു​ത്ത​ത്.