വ​ട​ക​ര: ചോ​റോ​ട് കൈ​നാ​ട്ടി മേ​ല്‍​പാ​ല​ത്തി​ന് സ​മീ​പം യു​വാ​വി​നെ മ​രി​ച്ച നി​ല​യി​ല്‍ ക​ണ്ടെ​ത്തി​യ സം​ഭ​വ​ത്തി​ല്‍ ഒ​രാ​ള്‍ അ​റ​സ്റ്റി​ല്‍. ഏ​റാ​മ​ല​യി​ലെ എ​ടോ​ത്ത് മീ​ത്ത​ല്‍ വി​ജീ​ഷ് (33) ആ​ണ് അ​റ​സ്റ്റി​ലാ​യ​ത്.

വ​ട​ക​ര താ​ഴെ അ​ങ്ങാ​ടി വ​ലി​യ​വ​ള​പ്പ് ക​ര​കെ​ട്ടി ചെ​റി​യ​ക​ണ്ടി ഫാ​സി​ല്‍ (39) മ​രി​ച്ച സം​ഭ​വ​ത്തി​ലാ​ണ് അ​റ​സ്റ്റ്. 2023 സെ​പ്റ്റം​ബ​ര്‍ 13ന് ​ബു​ധ​നാ​ഴ്ച രാ​വി​ലെ ആ​റി​നാ​ണ് ഫാ​സി​ലി​നെ കൈ​നാ​ട്ടി മേ​ല്‍​പ്പാ​ല​ത്തി​ന് സ​മീ​പം മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്.

മൂ​ക്കി​ല്‍ നി​ന്നും വാ​യി​ല്‍ നി​ന്നും ചെ​വി​യി​ല്‍ നി​ന്നും ര​ക്തം പു​റ​ത്തേ​ക്ക് ഒ​ലി​ച്ചി​റ​ങ്ങി​യ നി​ല​യി​ലാ​യി​രു​ന്നു മൃ​ത​ദേ​ഹം. തൊ​ട്ട​ടു​ത്ത് ചോ​ര പു​ര​ണ്ട നി​ല​യി​ല്‍ ഇ​യാ​ളു​ടെ ആ​ക്ടി​വ സ്‌​കൂ​ട്ട​റു​മു​ണ്ടാ​യി​രു​ന്നു.

ക​ഴി​ഞ്ഞ ദി​വ​സം ഏ​റാ​മ​ല കു​ന്നു​മ്മ​ക്ക​ര​യി​ല്‍ മ​യ​ക്കു മ​രു​ന്ന് സം​ഘ​ത്തി​ല്‍​പ്പെ​ട്ട ര​ണ്ട് പേ​രെ മ​രി​ച്ച നി​ല​യി​ല്‍ ക​ണ്ടെ​ത്തി​യ സം​ഭ​വ​ത്തി​നു ശേ​ഷം ന​ട​ത്തി​യ അ​ന്വേ​ഷ​ണ​ത്തി​ലാ​ണ് വി​ജീ​ഷി​നെ​പ്പ​റ്റി പോ​ലീ​സി​ന് വി​വ​ര​ങ്ങ​ള്‍ ല​ഭി​ച്ച​ത്. ഇ​യാ​ളെ ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്ത​പ്പോ​ഴാ​ണ് ഫാ​സി​ലി​ന്‍റെ മ​ര​ണ​വു​മാ​യി ബ​ന്ധ​പ്പെ​ട്ട ചു​രു​ള​ഴി​യു​ന്ന​ത്.

കു​ന്നു​മ്മ​ക്ക​ര​യി​ലെ വി​ജീ​ഷി​ന്‍റെ വീ​ട്ടി​ല്‍ വെ​ച്ചാ​ണ് മ​രിച്ച ഫാ​സി​ല്‍ മ​യ​ക്ക് മ​രു​ന്ന് കു​ത്തിവെ​ച്ച് അ​ബോ​ധാ​വ​സ്ഥ​യി​ലാ​യ​ത്. ആ​ശു​പ​ത്രി​യി​ല്‍ എ​ത്തി​ക്കാ​ന്‍ വി​ജീ​ഷും മ​റ്റു ര​ണ്ടു പേ​രും വാ​ഹ​ന​ത്തി​ല്‍ ക​യ​റ്റി​യ ശേ​ഷം ആ​ശു​പ​ത്രി​യി​ല്‍ എ​ത്തി​ക്കാ​തെ കൈ​നാ​ട്ടി​യി​ലെ മേ​ല്‍​പ്പാ​ല​ത്തി​ന് താ​ഴെ ഫാ​സി​ലി​നെ ത​ള്ളു​ക​യാ​യി​രു​ന്നു. കു​ന്നു​മ്മ​ക്ക​ര​യി​ലെ മ​യ​ക്ക് മ​രു​ന്ന് സം​ഘ​ത്തി​ലെ പ്ര​ധാ​ന ക​ണ്ണി​ക​ളി​ലൊ​രാ​ളാ​ണ് വി​ജീ​ഷ് എ​ന്ന് പോ​ലീ​സ് പ​റ​ഞ്ഞു.