തൃ​ശൂ​ർ: മേ​ട പൊ​ൻ വെ​യി​ലി​നെ നോ​ക്കി ചി​രി​ച്ചു​യ​രാ​ൻ കാ​ത്തു​നി​ൽ​ക്കു​ന്ന വ​ർ​ണക്കുട​ക​ൾ, തി​ള​യ്ക്കു​ന്ന സൂ​ര്യ​ര​ശ്മി​ക​ൾ ഏ​റ്റു​വാ​ങ്ങി വെ​ട്ടി ത്തിള​ങ്ങാ​ൻ വെ​മ്പു​ന്ന നെ​റ്റി​പ്പ​ട്ട​ങ്ങ​ൾ, ആ​കാ​ശം കാ​ണാ​ത്ത അ​നേ​കാ​യി​രം പീ​ലിക്ക​ണ്ണു​ക​ളു​ടെ ആ​ല​വ​ട്ട​ങ്ങ​ൾ, പൂ​ര​ക്കാ​റ്റി​ൽ പൂ​ത്തു​ല​യാ​ൻ കാ​ത്തു​നി​ൽ​ക്കു​ന്ന കാ​റ്റു​പി​ടി​ക്കാ​ത്ത വെ​ൺ​ചാ​മ​ര​ങ്ങ​ൾ...

ക​രി​വീ​ര ച​ന്ത​ത്തി​ന് മാ​റ്റു​കൂ​ട്ടു​ന്ന ആ​ന​യാ​ഭ​ര​ണ​ങ്ങ​ളു​ടെ ര​ഹ​സ്യ ച​മ​യ​പ്പു​ര ഇന്നു രാവിലെ തു​റ​ന്ന​പ്പോ​ൾ ക​ണ്ട കാ​ഴ്ച​ക​ളി​താ​ണ്... ആ​ന​ച്ചൂ​രും ആ​ന​ച്ചൂ​ടും മാ​ത്ര​മ​ല്ല മേ​ട വെ​യി​ലും മേ​ട​ക്കാ​റ്റു​മേ​ൽ​ക്കാ​ത്ത പു​തുപു​ത്ത​ൻ ക​ണ്ണ​ഞ്ചി​പ്പി​ക്കു​ന്ന ആ​ന​ച്ച​മ​യ​ങ്ങ​ളാ​ണ് കാ​ഴ്ച​ക്കാ​രെ വി​സ്മ​യി​പ്പി​ക്കു​ന്ന​തും മോ​ഹി​പ്പി​ക്കു​ന്ന​തും.

തി​ള​ങ്ങു​ന്ന കു​ട​ക​ൾ കാ​ണു​മ്പോ​ൾ ആ ​കു​ട​ശീ​ല പോ​ലെ ചു​രി​ദാ​റോ സാ​രി​യോ ബ്ലൗ​സോ കി​ട്ടി​യി​രു​ന്നെ​ങ്കി​ൽ എ​ന്ന് കൊ​തി​ക്കു​ന്ന സ്ത്രീ ​ജ​ന​ങ്ങ​ൾ, ആ​ല​വ​ട്ട​ത്തി​ൽനി​ന്ന് ഒ​രു പീ​ലി ക​ഷ്ണ​മെ​ങ്കി​ലും മോ​ഹി​ക്കു​ന്ന കു​ട്ടി​ക​ൾ... തി​രു​വ​മ്പാ​ടി വി​ഭാ​ഗം കൗ​സ്തു​ഭ​ത്തി​ലും പാ​റ​മേ​ക്കാ​വ് വി​ഭാ​ഗം അ​ഗ്ര​ശാ​ല​യി​ലും ച​മ​യ​പ്പു​ര​ക​ളു​ടെ വാ​തി​ലു​ക​ൾ തു​റ​ന്ന​പ്പോ​ൾ രാ​വി​ലെ മു​ത​ൽ വ​ൻ തി​ര​ക്കാ​ണ് ആ​ന​ക​ൾ അ​ണി​യു​ന്ന ആ​ഭ​ര​ണ​ക്കാ​ഴ്ച​ക​ൾ കാ​ണാ​നെ​ത്തു​ന്ന​ത്.

വൈ​കുന്നേരം സാ​മ്പി​ൾ കാ​ണാ​ൻ എ​ത്തു​ന്ന​വ​ർ ച​മ​യ​പ്പു​ര​ക​ളി​ലേ​ക്ക് കൂ​ടി ക​യ​റു​ന്ന​തോ​ടെ തി​ര​ക്കു​കൂ​ടും. വൈകുന്നേരം ഏ​ഴു​ മുതലാണു സാന്പിൾ വെടിക്കെട്ട്.