മസ്തിഷ്ക മരണം സംഭവിച്ച സിആർപിഎഫ് ജവാന്‍റെ അവയവങ്ങൾ ദാനം ചെയ്തു |

Click here for detailed news of all items

മസ്തിഷ്ക മരണം സംഭവിച്ച സിആർപിഎഫ് ജവാന്‍റെ അവയവങ്ങൾ ദാനം ചെയ്തു

Tuesday, March 26, 2024 8:50 AM IST

ഭുവനേശ്വർ: ഒഡീഷയിൽ മസ്തിഷ്ക മരണം സംഭവിച്ച സിആർപിഎഫ് ജവാന്‍റെ അവയവങ്ങൾ ദാനം ചെയ്തു. സിആർപിഎഫിൽ ഹവിൽദാറായി സേവനമനുഷ്ഠിക്കുകയായിരുന്ന കൃഷ്ണ ചന്ദ്ര മഹാഭോയ് ആണ് മരിച്ചത്.

വിട്ടുമാറാത്ത വൃക്കരോഗത്താൽ ബുദ്ധിമുട്ടിയിരുന്ന അദ്ദേഹം രണ്ട് വർഷത്തോളമായി ഡയാലിസിസിന് വിധേയനായിരുന്നു. മാർച്ച് 20 ന് ഖുർദാ ജില്ലയിലെ സ്വകാര്യ ആശുപത്രിയിൽ വച്ചാണ് അദ്ദേഹം മരിച്ചത്.

അദ്ദേഹത്തിന്‍റെ മസ്തിഷ്ക മരണത്തിന് ശേഷം, അവയവദാനത്തിന് ഞങ്ങൾ കുടുംബാംഗങ്ങളിൽ നിന്ന് അനുമതി തേടുകയും അവർ സമ്മതിക്കുകയും ചെയ്തു. തുടർന്ന്, അതിനുള്ള ക്രമീകരണങ്ങൾ ചെയ്തു.-സ്വകാര്യ ആശുപത്രിയിലെ ഡോക്ടർ അലീഷ ചൗധരി പറഞ്ഞു.

അവയവങ്ങൾ ദാനം ചെയ്യുന്നതിന് ഡോക്ടർമാരെ അനുവദിക്കാൻ ആദ്യം കുടുംബം തയാറായിരുന്നില്ല. "എന്നാൽ, എന്‍റെ അച്ഛൻ തന്‍റെ ജീവിതം രാജ്യത്തിനായി സമർപ്പിച്ചുവെന്ന് എന്‍റെ അമ്മ പറഞ്ഞു. ഇപ്പോൾ, രണ്ട് പേർക്ക് എന്‍റെ പിതാവിന്‍റെ അവയവം ഉപയോഗിച്ച് അതിജീവിക്കാൻ കഴിയുമെങ്കിൽ, അതും ഒരു സേവനമായിരിക്കും. അതിനാൽ ഞങ്ങൾ സമ്മതിച്ചു.' മരിച്ചയാളുടെ മകൻ സത്യബ്രത മഹാഭോയ് പറഞ്ഞു.

മഹാഭോയിയുടെ ഹൃദയം കോൽക്കത്തയിലെ ഒരു രോഗിക്കും കരൾ മുംബൈയിലെ മറ്റൊരു രോഗിക്കും മാറ്റിവെക്കുമെന്നും സത്യബ്രത പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.