ഷാജഹാൻ ഷെയ്ഖിന്‍റെ സഹോദരൻ ഉൾപ്പടെ മൂന്നുപേരെ സിബിഐ കസ്റ്റഡിയിൽ വിട്ടു |

Click here for detailed news of all items

ഷാജഹാൻ ഷെയ്ഖിന്‍റെ സഹോദരൻ ഉൾപ്പടെ മൂന്നുപേരെ സിബിഐ കസ്റ്റഡിയിൽ വിട്ടു

Monday, March 18, 2024 4:09 AM IST

കോൽ‌ക്കത്ത: സിബിഐ അറസ്റ്റ് ചെയ്ത തൃണമൂൽ കോൺഗ്രസ് നേതാവ് ഷാജഹാൻ ഷെയ്ഖിന്‍റെ സഹോദരൻ ഷെയ്ഖ് ആലംഗീറിനേയും മറ്റ് രണ്ട് പേരെയും അഞ്ച് ദിവസത്തെ സിബിഐ കസ്റ്റഡിയിൽ വിട്ടു.

അലംഗീർ, സിറാജുൽ മൊല്ല, മഫിജുൽ മൊല്ല എന്നിവരെ ബസിർഹത്ത് സബ് ഡിവിഷൻ കോടതിയാണ് സിബിഐ കസ്റ്റഡിയിൽ വിട്ടത്. സന്ദേശ്ഖാലി ആക്രമണവുമായി ബന്ധപ്പെട്ട് മാരത്തൺ ചോദ്യം ചെയ്യലിന് ശേഷം ശനിയാഴ്ചയാണ് അലംഗീറിനെയും മറ്റ് രണ്ട് പേരെയും സിബിഐ അറസ്റ്റ് ചെയ്തത്.

ഇവർ എൻഫോഴ്‌സ്‌മെന്‍റ് ഡയറക്ടറേറ്റ് (ഇഡി) ഉദ്യോഗസ്ഥർക്കെതിരായ ആക്രമണത്തിന്‍റെ ഭാഗമായിരുന്നുവെന്നും ഷാജഹാൻ ഷെയ്ഖുമായി ബന്ധമുള്ള സ്ഥലങ്ങളിൽ ഇഡി പരിശോധന നടത്താൻ പോയപ്പോൾ അന്വേഷണ സംഘത്തെ ആക്രമിക്കാൻ ജനക്കൂട്ടത്തെ ഇവർ പ്രേരിപ്പിച്ചതായും സിബിഐ സംശയിക്കുന്നു.

അതേസമയം, എൻഫോഴ്‌സ്‌മെന്‍റ് ഡയറക്ടറേറ്റ് ഉദ്യോഗസ്ഥരെ ആക്രമിച്ചതുമായി ബന്ധപ്പെട്ട് സിബിഐയിലെ ഉദ്യോഗസ്ഥർ ഞായറാഴ്ച ഏഴ് പേർക്ക് സമൻസ് അയച്ചതായി റിപ്പോർട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.