മൂന്നാറില് വീണ്ടും കാട്ടാന ആക്രമണം; ജീപ്പ് തകര്ത്തു
Sunday, March 3, 2024 9:08 AM IST
ഇടുക്കി: മൂന്നാര് കന്നിമല ടോപ്പ് ഡിവിഷനില് വീണ്ടും കാട്ടാന ആക്രമണം. ലയങ്ങളോട് ചേര്ന്ന് നിര്ത്തിയിട്ടിരുന്ന ജീപ്പ് കാട്ടാന തകര്ത്തു. നാട്ടുകാര് വിവരമറിയിച്ചതിനെ തുടര്ന്ന് ആര്ആര്ടി സംഘം ഇവിടെയെത്തി ആനയെ കാട്ടിനുള്ളിലേക്ക് തുരത്തി.
വനാതിര്ത്തിയില് ജനവാസമേഖലയ്ക്ക് രണ്ട് കിലോമീറ്റര് അകലെ മൂന്ന് ആനകള് നിലയുറപ്പിച്ചിട്ടുണ്ടെന്ന് വനംവകുപ്പ് അറിയിച്ചു. ആനകള് ജനവാസമേഖലയിലേക്ക് വരാനുള്ള സാധ്യത കണക്കിലെടുത്ത് ആര്ആര്ടി സംഘം ഇവിടെ നിലയുറപ്പിച്ചിട്ടുണ്ട്.
കഴിഞ്ഞയിടെ ഓട്ടോ ഡ്രൈവറായ സുരേഷ് കുമാര് കാട്ടാന ആക്രമണത്തില് കൊല്ലപ്പെട്ട സ്ഥലത്തിന് ഒരു കിലോമീറ്റര് മാത്രം അകലെയാണ് ആനയുടെ ആക്രമണം ഉണ്ടായത്. പ്രദേശത്തെ തൊഴിലാളികള്ക്ക് വനംവകുപ്പ് ജാഗ്രതാ നിര്ദേശം നില്കിയിട്ടുണ്ട്.