തി​രു​വ​ന​ന്ത​പു​രം: കാ​ര​യ്ക്കാ​മ​ണ്ഡ​പ​ത്ത് വീ​ട്ടി​ല്‍ ന​ട​ന്ന പ്ര​സ​വ​ത്തി​നി​ടെ യു​വ​തി​യും കു​ഞ്ഞും മ​രി​ച്ച സം​ഭ​വ​ത്തി​ൽ ഭ​ർ​ത്താ​വി​നെ​തി​രേ ന​ര​ഹ​ത്യാ​ക്കു​റ്റം ചു​മ​ത്തും. പാ​ല​ക്കാ​ട് സ്വ​ദേ​ശി​യാ​യ ഷ​മീ​റ ബീ​വി​യും ന​വ​ജാ​ത ശി​ശു​വു​വാ​ണ് മ​രി​ച്ച​ത്. ഷ​മീ​റ​യു​ടെ ഭ​ർ​ത്താ​വ് പൂ​ന്തു​റ സ്വ​ദേ​ശി ന​യാ​സി​നെ നേ​മം പോ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു.

യു​വ​തി​യെ ആ​ശു​പ​ത്രി​യി​ൽ പ്ര​വേ​ശി​പ്പി​ക്കാ​ൻ ന​യാ​സ് അ​നു​വ​ദി​ച്ചി​രു​ന്നി​ല്ല. ഇ​വ​ര്‍​ക്ക് ചി​കി​ത്സ ല​ഭ്യ​മാ​ക്കാ​ന്‍ പ്ര​ദേ​ശ​വാ​സി​ക​ളും ആ​ശാ​വ​ര്‍​ക്ക​റും വാ​ര്‍​ഡ് കൗ​ണ്‍​സി​ല​റു​മ​ട​ക്കം പ​രി​ശ്ര​മി​ച്ചി​ട്ടും ന​യാ​സ് വ​ഴ​ങ്ങി​യി​ല്ല. പ്ര​സ​വം വീ​ട്ടി​ൽ മ​തി​യെ​ന്ന നി​ല​പാ​ടി​ൽ ന​യാ​സ് ഉ​റ​ച്ചു​നി​ന്ന​താ​ണു മ​ര​ണ​ത്തി​നു കാ​ര​ണ​മാ​യ​തെ​ന്നു വ്യ​ക്ത​മാ​യ​തോ​ടെ​യാ​ണ് ന​ട​പ​ടി.

സം​ഭ​വ​ത്തി​ൽ ന​യാ​സി​നെ​തി​രെ രൂ​ക്ഷ​വി​മ​ർ​ശ​ന​വു​മാ​യി ആ​രോ​ഗ്യ​മ​ന്ത്രി വീ​ണാ ജോ​ർ​ജ് ഉ​ൾ​പ്പെ​ടെ രം​ഗ​ത്തെ​ത്തി​യി​രു​ന്നു. ഷ​മീ​റ​യ്ക്ക് അ​ക്യു​പ​ങ്ച​ർ ചി​കി​ത്സ ന​ൽ​കി​യ വെ​ഞ്ഞാ​റ​മൂ​ട് സ്വ​ദേ​ശി ശി​ഹാ​ബി​നെ പ്ര​തി ചേ​ർ​ക്കു​ന്ന കാ​ര്യ​ത്തി​ൽ പി​ന്നീ​ട് തീ​രു​മാ​ന​മെ​ടു​ക്കും.

ന​യാ​സി​ന്‍റെ ര​ണ്ടാം ഭാ​ര്യ​യാ​ണ് ഷ​മീ​റ. ആ​ദ്യ​ഭാ​ര്യ​യി​ൽ ഇ​യാ​ൾ​ക്ക് മൂ​ന്നു​മ​ക്ക​ളു​ണ്ട്. നാ​ലാ​മ​ത്തെ പ്ര​സ​വ​ത്തി​നി​ടെ ആ​ണ് മ​ര​ണം. ആ​ദ്യ ഭാ​ര്യ​യും മൂ​ത്ത മ​ക​ളു​മാ​ണ് പ്ര​സ​വം എ​ടു​ക്കാ​ൻ ശ്ര​മി​ച്ച​തെ​ന്നു നാ​ട്ടു​കാ​ർ പ​റ​ഞ്ഞു.

പ്ര​സ​വ വേ​ദ​ന തു​ട​ങ്ങി​യ​തി​നു പി​ന്നാ​ലെ ഷ​മീ​റ​യ്ക്ക് ര​ക്ത​സ്രാ​വം അ​മി​ത​മാ​യി. കു​ഞ്ഞി​ന് വെ​ളി​യി​ലേ​ക്ക് വ​രാ​ന്‍ ത​ട​സ​മു​ണ്ടാ​യി. തു​ട​ർ​ന്ന് ബോ​ധ​ര​ഹി​ത​യാ​യ ഇ​വ​രെ നാ​ട്ടു​കാ​ർ ഇ​ട​പെ​ട്ട് ആം​ബു​ല​ന്‍​സി​ൽ ക​ര​മ​ന​യി​ലെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​ര​ണം സം​ഭ​വി​ക്കു​ക​യാ​യി​രു​ന്നു. ആ​ശു​പ​ത്രി​യി​ൽ എ​ത്തും​മു​ൻ​പു​ത​ന്നെ യു​വ​തി​യും കു​ഞ്ഞും മ​രി​ച്ചി​രു​ന്നു​വെ​ന്ന് ആ​ശു​പ​ത്രി അ​ധി​കൃ​ത​ർ പ​റ​ഞ്ഞു.