രഞ്ജി ട്രോഫി: ആന്ധ്രയ്ക്കെതിരെ കേരളം ശക്തമായ നിലയില്
Saturday, February 17, 2024 6:16 PM IST
വിജയനഗരം: രഞ്ജി ട്രോഫി ക്രിക്കറ്റില് ആന്ധ്രാപ്രദേശിനെതിരെ കേരളം ശക്തമായ നിലയില്. ഒന്നാം ഇന്നിംഗ്സിൽ ആന്ധ്ര ഉർത്തിയ 272 റണ്സിനെതിരെ ബാറ്റേന്തിയ കേരളം മൂന്നുവിക്കറ്റ് നഷ്ടത്തിൽ 258 റൺസ് എന്ന നിലയിലാണ്.
ബാറ്റിംഗ് തുടരുന്ന ക്യാപ്റ്റന് സച്ചിന് ബേബിയുടെയും (87) അക്ഷയ് ചന്ദ്രന്റെയും (57) അര്ധ സെഞ്ചുറികളാണ് കേരളത്തെ ശക്തമായ സ്കോറിലെത്തിച്ചത്. നേരത്തേ ഓപ്പണര് രോഹന് കുന്നുമ്മല് 61 റണ്സെടുത്ത് പുറത്തായിരുന്നു.
ആന്ധ്രയ്ക്കായി സത്യനാരായണ് രാജു, മനീഷ് ഗോലാമാരു, ഷൊഐബ് ഖാന് എന്നിവര് ഓരോ വിക്കറ്റ് വീഴ്ത്തി. ആദ്യം ബാറ്റ് ചെയ്ത ആന്ധ്ര വിക്കറ്റ് കീപ്പര് റിക്കി ഭുയിയുടെയും (87) മഹീപ് കുമാറിന്റെയും (81) കരുത്തില് 272 റണ്സെടുത്തത്.കേരളത്തിനുവേണ്ടി ബേസില് തമ്പി നാലും, വൈശാഖ് ചന്ദ്രന് രണ്ടു വിക്കറ്റും വീഴ്ത്തി.