"ഹമാസിന്‍റെ നിർദേശങ്ങൾ വിചിത്രം'; വെടിനിർത്തൽ വ്യവസ്ഥ തള്ളി ഇസ്രയേൽ |

Click here for detailed news of all items

"ഹമാസിന്‍റെ നിർദേശങ്ങൾ വിചിത്രം'; വെടിനിർത്തൽ വ്യവസ്ഥ തള്ളി ഇസ്രയേൽ

Thursday, February 8, 2024 12:36 PM IST

ടെൽ അവീവ്: ഹമാസിന്‍റെ വെടിനിർത്തൽ വ്യവസ്ഥകൾ തള്ളി ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു. ഗാസയിൽ സമ്പൂർണ വിജയം മാസങ്ങൾക്കുള്ളിൽ സാധ്യമാകുമെന്നും ഗസ ഭാവിയിൽ ഇസ്രായേലിന് വെല്ലുവിളിയാകില്ലെന്ന് ഉറപ്പുവരുത്തുക കൂടിയാണ് യുദ്ധലക്ഷ്യമെന്നും നെതന്യാഹു വ്യക്തമാക്കി.

വെടിനിർത്തലിനായുള്ള ഹമാസിന്‍റെ നിർദേശങ്ങൾ വിചിത്രമാണ്. സമ്പൂർണവും അന്തിമവുമായ വിജയമല്ലാതെ മറ്റൊരു പരിഹാരവുമില്ല. ഗാസയിൽ ഹമാസ് നിലനിൽക്കുകയാണെങ്കിൽ, അടുത്ത കൂട്ടക്കൊല വരെയുള്ള സമയമെത്രയെന്ന ചോദ്യം മാത്രമാണുള്ളതെന്നും നെതന്യാഹു വാർത്താ സമ്മേളനത്തിൽ പറഞ്ഞു.

അതേസമയം, മേഖലയിൽ സംഘർഷം തുടരാനാണ് നെതന്യാഹു ഉദ്ദേശിക്കുന്നതെന്ന് ഹമാസിന്‍റെ മുതിർന്ന ഉദ്യോഗസ്ഥൻ സാമി അബു സുഹ്‌രി റോയിട്ടേഴ്‌സ് വാർത്താ ഏജൻസിയോട് പറഞ്ഞു. ഈജിപ്തിന്‍റെയും ഖത്തറിന്‍റെയും മധ്യസ്ഥതയിലുള്ള പുതിയ ചർച്ചകൾ വ്യാഴാഴ്ച കെയ്‌റോയിൽ നടക്കുമെന്ന് പ്രതീക്ഷിക്കുന്നതായി ഈജിപ്ഷ്യൻ ഔദ്യോഗിക വൃത്തങ്ങൾ ബിബിസിയോട് അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.