ന്യൂ​ഡ​ൽ​ഹി: കോ​ൺ​ഗ്ര​സു​മാ​യു​ള്ള സീ​റ്റ് വി​ഭ​ജ​ന ച​ർ​ച്ച​ക​ൾ​ക്കി​ട​യി​ൽ സ​മാ​ജ്‌​വാ​ദി പാ​ർ​ട്ടി (എ​സ്പി) ലോ​ക്‌​സ​ഭാ തെ​ര​ഞ്ഞെ​ടു​പ്പി​നു​ള്ള സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ചു. ആദ്യ ഘട്ടത്തിൽ 16 സ്ഥാ​നാ​ർ​ഥി​ക​ളു​ടെ പ​ട്ടി​ക​യാ​ണ് എ​സ്പി പു​റ​ത്തു​വി​ട്ട​ത്.

പാ​ർ​ട്ടി​ക്ക് ന​ല്ല​തെ​ന്ന് തോ​ന്നു​ന്ന​ത് ചെ​യ്യു​മെ​ന്ന് സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ചു​കൊ​ണ്ട് എ​സ്പി അ​ധ്യ​ക്ഷ​ൻ അ​ഖി​ലേ​ഷ് യാ​ദ​വ് പ​റ​ഞ്ഞു. ഇ​ക്കാ​ര്യ​ത്തി​ൽ കോ​ൺ​ഗ്ര​സി​ന്‍റെ അ​നു​മ​തി ആ​വ​ശ്യ​മി​ല്ലെ​ന്നും അ​ദ്ദേ​ഹം വ്യ​ക്ത​മാ​ക്കി.

അ​ഖി​ലേ​ഷി​ന്‍റെ ഭാ​ര്യ ഡിം​പി​ൾ യാ​ദ​വി​നെ​യും ധ​ർ​മ്മേ​ന്ദ്ര യാ​ദ​വി​നെ​യും ഉ​ൾ​പ്പെ​ടു​ത്തി​യാ​ണ് പ​ട്ടി​ക പ്ര​ഖ്യാ​പി​ച്ചി​രി​ക്കു​ന്ന​ത്. ഡിം​പി​ൾ യാ​ദ​വ് മെ​യ്ൻ​പു​രി​യി​ൽ ജ​ന​വി​ധി തേ​ടും. ബ​ദാ​യൂ​വി​ൽ ധ​ർ​മ്മേ​ന്ദ്ര യാ​ദ​വും മ​ത്സ​രി​ക്കും. സ​മാ​ജ് വാ​ദി പാ​ർ​ട്ടി​യു​ടെ ശ​ക്തി കേ​ന്ദ്ര​ങ്ങ​ളി​ലാ​ണ് സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ച​ത്.

80 സീ​റ്റു​ക​ളു​ള്ള ഉ​ത്ത​ർ​പ്ര​ദേ​ശി​ൽ 11 സീ​റ്റു​ക​ളാ​ണ് അ​ഖി​ലേ​ഷ് യാ​ദ​വ് കോ​ൺ​ഗ്ര​സി​ന് വാ​ഗ്ദാ​നം ചെ​യ്തി​രി​ക്കു​ന്ന​ത്.

അ​ഖി​ലേ​ഷി​ന്‍റെ നീ​ക്കം കോ​ൺ​ഗ്ര​സി​നും ഇ​ന്ത്യാ സ​ഖ്യ​ത്തി​നും വ​ൻ തി​രി​ച്ച​ടി​യാ​ണ് ഉ​ണ്ടാ​ക്കി​യി​രി​ക്കു​ന്ന​ത്. നേ​ര​ത്തെ പ​ശ്ചി​മ ബം​ഗാ​ളി​ൽ തൃ​ണ​മൂ​ൽ കോ​ൺ​ഗ്ര​സും പ​ഞ്ചാ​ബി​ൽ ആം ​ആ​ദ്മി പാ​ർ​ട്ടി​യും ഒ​റ്റ​യ്ക്കു മ​ത്സ​രി​ക്കു​മെ​ന്ന് വ്യ​ക്ത​മാ​ക്കി​യി​രു​ന്നു.

ഇ​തി​നി​ടെ ഇ​ന്ത്യാ സ​ഖ്യ​ത്തി​ന്‍റെ ഭാ​ഗ​മാ​യി​രു​ന്ന നി​തീ​ഷ് കു​മാ​ർ ബി​ഹാ​റി​ൽ കൂ​റു​മാ​യി എ​ൻ​ഡി​എ​യ്ക്കൊ​പ്പം ചേ​ർ​ന്ന് വീ​ണ്ടും മു​ഖ്യ​മ​ന്ത്രി​യാ​യ​തും പ്ര​തി​പ​ക്ഷ​ത്തെ ഞെ​ട്ടി​ച്ചി​രി​ക്കു​ക​യാ​ണ്.