പ്രതിഷേധിച്ച വിദ്യാർഥിനിയുടെ മുടിയിൽ പിടിച്ച് വലിച്ചിഴച്ച് പോലീസ് |

Click here for detailed news of all items

പ്രതിഷേധിച്ച വിദ്യാർഥിനിയുടെ മുടിയിൽ പിടിച്ച് വലിച്ചിഴച്ച് പോലീസ്

Thursday, January 25, 2024 4:47 AM IST

ഹൈദരാബാദ്: പ്രതിഷേധത്തിനിടെ വിദ്യാര്‍ഥിനിയെ മുടിയില്‍ പിടിച്ച് വലിച്ച് നിലത്തിട്ട് വനിതാ പോലീസ് ഉദ്യോഗസ്ഥ. തെലുങ്കാനയിലാണ് സംഭവം.

പ്രഫസർ ജയശങ്കർ തെലങ്കാന സ്റ്റേറ്റ് അഗ്രികൾച്ചറൽ യൂണിവേഴ്‌സിറ്റിയുടെ (പിജെടിഎസ്‌എയു) ഭൂമി പുതിയ ഹൈക്കോടതി സമുച്ചയത്തിന്‍റെ നിർമാണത്തിനായി അനുവദിച്ച സർക്കാർ നടപടിക്കെതിരെ വിദ്യാർഥി സംഘടനയായ എബിവിപി നടത്തിയ പ്രതിഷേധ പ്രകടനത്തിനിടെയാണ് സംഭവം.

ഒരു സ്കൂട്ടറിന് പിന്നിലിരിക്കുന്ന വനിതാ പോലീസ് ഉദ്യോഗസ്ഥ സമീപത്തുകൂടി വന്ന വിദ്യാർഥിനിയുടെ തലമുടിയിൽ പിടിച്ച് വലിച്ച് നിലത്തിടുന്നതാണ് വീഡിയോയിലുള്ളത്.

സംഭവത്തിൽ പോലീസുകാരിക്കെതിരെ നടപടി സ്വീകരിക്കണമെന്ന് ആവശ്യപ്പെട്ട് ഭരണകക്ഷിയായ ഭാരത് രാഷ്ട്ര സമിതി നേതാവ് കവിത രംഗത്തെത്തി. ഈ പ്രവൃത്തിക്കെതിരെ വേഗത്തിലും കർശനമായും നടപടിയെടുക്കാൻ അവർ മനുഷ്യാവകാശ കമ്മീഷനോട് അഭ്യർഥിക്കുകയും ചെയ്തു.

അതേസമയം, ഈ വിഷയത്തിന്മേൽ ഒരാഴ്ചയോളമായി പ്രതിഷേധം തുടരുകയാണ്. പുതിയ കെട്ടിടത്തിന്‍റെ നിർമാണം മൂലം നിരവധി മരങ്ങൾ മുറിക്കേണ്ടി വരുമെന്നും കോടതിക്കായി തരിശായി കിടക്കുന്ന ഭൂമി മറ്റൊരു സ്ഥലം അനുവദിക്കണമെന്നും വിദ്യാർഥികൾ ആവശ്യപ്പെട്ടു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.