വിരുന്നില്‍ പങ്കെടുത്താല്‍ അലിഞ്ഞുപോകുന്നതല്ല സഭയുടെ നിലപാട്: സജി ചെറിയാനെതിരേ യാക്കോബായ സഭ |

Click here for detailed news of all items

വിരുന്നില്‍ പങ്കെടുത്താല്‍ അലിഞ്ഞുപോകുന്നതല്ല സഭയുടെ നിലപാട്: സജി ചെറിയാനെതിരേ യാക്കോബായ സഭ

Tuesday, January 2, 2024 12:20 PM IST

കൊച്ചി: പ്രധാനമന്ത്രിയുടെ ക്രിസ്മസ് വിരുന്നില്‍ പങ്കെടുത്ത ക്രൈസ്തവ മതമേലധ്യക്ഷന്മാരെ മന്ത്രി സജി ചെറിയാൻ അവഹേളിച്ചതിനെതിരേ യാക്കോബായ സഭ. സജി ചെറിയാന്‍റെ നിലപാടുകളോട് യോജിക്കുന്നില്ലെന്ന് സഭയുടെ മീഡിയ കമ്മീഷന്‍ ചെയര്‍മാന്‍ കുര്യാക്കോസ് മാര്‍ തെയോഫിലോസ് പ്രതികരിച്ചു.

ഏതെങ്കിലും വിരുന്നില്‍ പങ്കെടുത്തു എന്ന് കരുതി അലിഞ്ഞുപോകുന്നതല്ല സഭയുടെ നിലപാടുകളെന്ന് അദ്ദേഹം പറഞ്ഞു. ക്രിസ്മസിനോട് അനുബന്ധിച്ച് പ്രധാനമന്ത്രി ഒരുക്കിയ വിരുന്നില്‍ പങ്കെടുക്കുക സാമാന്യമര്യാദയുടെ ഭാഗമാണ്.

മണിപ്പുര്‍ അടക്കമുള്ള വിഷയങ്ങള്‍ കേന്ദ്ര സര്‍ക്കാരിന്‍റെ ശ്രദ്ധയില്‍പ്പെടുത്താന്‍ ഔദ്യോഗികതലത്തില്‍ മാര്‍ഗങ്ങളുണ്ട്. ഇക്കാര്യം നേരത്തേ തന്നെ സര്‍ക്കാരിനെ അറിയിച്ചതാണ്. മണിപ്പുര്‍ സംബന്ധിച്ച ക്രൈസ്തവ സഭകളുടെ ആശങ്കകള്‍ക്ക് പരിഹാരമുണ്ടാകുമെന്നാണ് പ്രതീക്ഷ

വിരുന്നില്‍വച്ചും മണിപ്പുര്‍ വിഷയം ചില ബിഷപ്പുമാര്‍ പ്രധാനമന്ത്രിയുടെ ശ്രദ്ധയില്‍പ്പെടുത്തിയിരുന്നെന്നും അദ്ദേഹം പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.